हवामान तज्ञांनी दिलाय धोक्याचा इशारा – यंदाचा पावसाळा देशासाठी असणार मोठं आव्हान, Climate Change मुळे होणार भयानक परिणाम

देशातील शेतकऱ्यांच्या(Farmers) चिंता वाढवणारी बातमी समोर आली आहे. यंदाचा पावसाळा अधिक धोकायदायक (Rain is Dangerous This Year) असल्याची माहिती आंतरराष्ट्रीय स्तरावरील शास्त्रज्ञांकडून देण्यात आली आहे.

    मागील आठवड्यात केरळात मान्सून (Monsoon) दाखल झाल्यापासून संपूर्ण देशभर आनंदाचं वातावरण आहे. भारतीय हवामान खात्याच्या (IMD) सुधारित अंदाजानुसार, यावर्षी देशात १०१ टक्के मुबलक पाऊस पडण्याची (Rain in India) शक्यता हवामान खात्याकडून वर्तवण्यात आली आहे. त्याचबरोबर यावर्षी देशात दुष्काळाची शक्यता जवळपास नसल्याची माहितीही हवामान विभागाकडून देण्यात आली आहे. त्यामुळे शेतकरी वर्गात आनंदाचं वातावरण पाहायला मिळत आहे.

    अशातच देशातील शेतकऱ्यांच्या चिंता वाढवणारी बातमी समोर आली आहे. यंदाचा पावसाळा अधिक धोकायदायक असल्याची माहिती आंतरराष्ट्रीय स्तरावरील शास्त्रज्ञांकडून देण्यात आली आहे.दशलक्षावधी वर्षातील माहितीच्या आधारे काढलेल्या निष्कर्षावरून यंदाचा पावसाळा अधिक धोकादायक असल्याचा इशारा हवामान शास्त्रज्ञांकडून देण्यात आला आहे.

    गेल्या अनेक वर्षातील मान्सूनसंदर्भात केलेल्या संशोधनावरून हवामान बदलामुळे पावसाळ्यावर परिणाम होत असल्याची माहितीही शास्त्रज्ञांकडून देण्यात आली आहे. जागतिक तापमान वाढ, हवेतील वाढती आर्द्रता, हरितगृह वायूचे उत्सर्जन यामुळे हवामान तप्त होत असून याचा परिणाम मान्सूनवर दिसत आहे.

    भारतीय उपखंडातील लोकांसाठी यंदाच्या जोरदार पावसाचे परिणाम विध्वंसक होऊ शकतात, असा इशारा जर्मनीतील पॉट्सडॅम इन्स्टिट्यूटमधील जागतिक हवामान विषायाचे प्राध्यापक अँडर्स लेव्हरमन यांनी दिला आहे. पावसाच्या वाढत्या प्रमाणामुळे मान्सूनबाबत अनिश्चितता तयार होण्याचा धोका वाढत आहे. त्यामुळे जगातील सर्वात मोठ्या लोकशाही देशासमोर हे एक मोठे आव्हान उभं ठाकलं आहे.

    ‘जर्नल सायन्स ऍडव्हान्सेस’ या नियतकालिकात प्रकाशित केलेल्या शोधनिबंधामध्ये, मागील दशलक्षावधीतील माहितीच्या आधारे मांडण्यात आलेल्या सिद्धांतानुसार भविष्यातील पावसाळ्याबाबत भाकीत करण्यात आलं आहे. यासाठी शास्त्रज्ञांनी बंगलच्या उपसागरातील मातीचा वापर करत हे संशोधन केलं आहे.

    हिंदी महासागराच्या उत्तरेला बंगालच्या उपसागरात साचलेल्या मातीच्या थराखाली २०० मीटर खोदकाम करून हे नमुने गोळा केले आहेत. या नमुन्यांतून त्यांनी महत्त्वपूर्ण माहिती मिळवली आहे. पृथ्वी, पर्यावरण आणि ग्रह विज्ञानाचे ब्राऊन विद्यापीठातील प्राध्यापक स्टीव्हन क्लेमेन्स यांच्या नेतृत्वाखाली हे संशोधन करण्यात आलं आहे.