spectrum auction

मार्च महिन्यात होणाऱ्या स्पेक्ट्रम लिलावाला(spectrum auction) केंद्रीय मंत्रिमंडळाने(cabinet permission) बुधवारी झालेल्या बैठकीत मंजुरी दिली आहे.

मार्च महिन्यात होणाऱ्या स्पेक्ट्रम लिलावाला(spectrum auction) केंद्रीय मंत्रिमंडळाने(cabinet permission) बुधवारी झालेल्या बैठकीत मंजुरी दिली आहे. स्पेक्ट्रमचा मार्च महिन्यात लिलाव होणार असून लवकरच यासंदर्भातील गाईडलाईन्स जारी करण्यात येणार आहेत, अशी माहिती दूरसंचार मंत्री रविशंकर प्रसाद यांनी याबाबत माहिती दिली. याच महिन्यात लिलावासाठी कंपन्यांना आमंत्रित करण्यासाठी पत्रकदेखील जारी करण्यात येणार असल्याचे प्रसाद म्हणाले.

दूरसंचार विभागाने २ हजार २५१ मेगाहर्ट्स स्पेक्ट्रमचा लिलाव करण्याची योजना आखली आहे. ७०० मेगाहर्ट्स, ८०० मेगाहर्ट्स, ९०० मेगाहर्ट्स, १,८०० मेगाहर्ट्स, २,१०० मेगाहर्ट्स, २,३०० मेगाहर्ट्स, २,५०० मेगाहर्ट्स बँडमधील स्पेक्ट्रमची विक्री करण्यात येणार असल्याची माहिती प्रसाद यांनी दिली.

यापूर्वी पार पडलेल्या स्पेक्ट्रमच्या लिलावाला चार वर्षांचा कालावधी लोटला आहे. त्यामुळे दूरसंचार क्षेत्राकडून स्पेक्ट्रमसंदर्भातील गरज व्यक्त केली जात होती. पुढील लिलावाच्या अटी या २०१६ मधील लिलावाच्या अटींप्रमाणेच असतील, असेही त्यांनी नमूद केले. परंतु यावेळी त्यांनी याबाबत अधिक माहिती दिली नाही. चार वर्षांपूर्वी स्पेक्ट्रमच्या करण्यात आलेल्या लिलावातून सरकारला केवळ ६५ हजार ७८९ कोटी रुपये मिळाले होते. विक्रीसाठी ५.६३ट्रिलिअन मूल्याचे स्पेक्ट्रम जारी करण्यात आले होते. यावेळी देखील २०१६ प्रमाणेच स्पेक्ट्रम विकत घेण्यास कंपन्या अनुस्तुक असतील का अशी चिंता तज्ज्ञांकडून व्यक्त करण्यात येत आहे. २०१६ मध्ये ७०० मेगाहर्ट्स आणि ९०० मेगाहर्ट्स स्पेक्ट्रमची विक्री झाली नव्हती.