राजकीय हालचालींना वेग, अमित शाह यांनी घेतली जेपी नड्डा यांची भेट

शिवसेना नेते संजय राऊत यांनी मुंबईत पत्रकारांशी बोलताना सांगितले की, विधानपरिषद निवडणुकीनंतर सोमवारी रात्री काही आमदारांशी संपर्क होऊ शकला नाही हे खरे आहे, परंतु आता काही आमदारांशी संपर्क साधण्यात पक्षाला यश आले आहे. ते म्हणाले, एकनाथ शिंदे मुंबईत नाहीत, मात्र त्यांच्याशी संपर्क झाला आहे.

    नवी दिल्ली: शिवसेनेचे ज्येष्ठ नेते एकनाथ शिंदे यांच्या कथित नाराजीवरून महाराष्ट्राच्या राजकारणातील गोंधळात केंद्रीय गृहमंत्री अमित शहा ( Shah meets Nadda ) यांनी बुधवारी भारतीय जनता पक्षाचे अध्यक्ष जेपी नड्डा यांची भेट घेतली. सूत्रांकडून मिळालेल्या माहितीनुसार, दोन्ही नेत्यांची ही बैठक नड्डा यांच्या निवासस्थानी झाली. महाराष्ट्र सरकारमधील मंत्री शिंदे हे मुंबईत नसून, काही आमदारांसह गुजरातमधील सुरत ( political turmoil in Maharashtra ) शहरातील एका हॉटेलमध्ये तळ ठोकून आहेत, असे वृत्त समोर येत असतानाच या दोन्ही नेत्यांची भेट होत आहे.

    त्यानंतर शिवसेना नेते संजय राऊत यांनी मुंबईत पत्रकारांशी बोलताना सांगितले की, विधानपरिषद निवडणुकीनंतर सोमवारी रात्री काही आमदारांशी संपर्क होऊ शकला नाही हे खरे आहे, परंतु आता काही आमदारांशी संपर्क साधण्यात पक्षाला यश आले आहे. ते म्हणाले, एकनाथ शिंदे मुंबईत नाहीत, मात्र त्यांच्याशी संपर्क झाला आहे. राऊत यांनी मात्र शिंदे यांच्यासोबत किती आमदार आहेत हे स्पष्ट केले नाही.

    एक दिवसापूर्वीच महाराष्ट्र विधान परिषद निवडणुकीत सत्ताधारी महाविकास आघाडीला पराभवाचा धक्का बसला होता. शिवसेना, राष्ट्रवादी काँग्रेस पक्ष (NCP) आणि काँग्रेस हे MVA चे घटक आहेत. यापूर्वी राज्यसभा निवडणुकीत सत्ताधारी आघाडीला जोरदार झटका बसला आहे. दरम्यान, भाजपचे महाराष्ट्र अध्यक्ष चंद्रकांत पाटील यांनी मुंबईत पत्रकारांशी ताज्या राजकीय घडामोडींबाबत बोलताना सांगितले की, पक्ष या घडामोडींवर लक्ष ठेवून आहे.