अलीगढ येथील रोरावार पोलीस ठाण्याच्या हद्दीतील माबुदनगर परिसरात ही घटना घडली. सगीर असं आरोपी पतीचं नाव आहे. तर, गुड्डो असं मृत पत्नीचं नाव आहे. सगीर आणि गुड्डो आपल्या तीन मुलांसह माबुदनगरमध्ये राहत होते.
अलीगढ: उत्तरप्रदेशात (Uttar Pradesh) काळजाचा थरकाप उडवणारी एक घटना समोर आली आहे. अलीगढ (Aligarh) येथे पतीने पत्नीचा गळा चिरून खून केल्याचा प्रकार उघडकीस आला आहे. घरात मांस आणण्यावरून पती-पत्नीमध्ये वाद झाला. हा वाद इतका टोकाला गेला की पतीने पत्नीचा खून केला.(Husband Killed Wife) या घटनेनंतर परिसरात एकच खळबळ उडाली आहे.
अलीगढ येथील रोरावार पोलीस ठाण्याच्या हद्दीतील माबुदनगर परिसरात ही घटना घडली. सगीर असं आरोपी पतीचं नाव आहे. तर, गुड्डो असं मृत पत्नीचं नाव आहे. सगीर आणि गुड्डो आपल्या तीन मुलांसह माबुदनगरमध्ये राहत होते.
गुड्डोने सगीरला जेवण बनवण्यासाठी मांस आणण्यास सांगितलं होतं. पण, सगीरने मांस आणलं नाही. त्यावरून पती-पत्नीमध्ये कडाक्याचं भांडण झालं. हे भांडण झालं तेव्हा त्यांची 3 मुलंही घरात होती. दोघांतील वाद एवढा विकोपाला गेला की सगीरने रागात गुड्डोच्या गळ्यावर चाकुने वार केला. यामध्ये गुड्डोचा मृत्यू झाला. आपल्या आईचा आपल्या डोळ्यांसमोर मृत्यू झाल्याने मुलं गोंधळून गेली. सगळा प्रकार पाहून मुलांनी आरडाओरडा केला. मुलांचा आरडाओरडा ऐकून परिसरातील नागरिक सगीरच्या घरी गोळा झाले. तेव्हा सगीरने पळून जाण्याचा प्रयत्न केला. पण, सगीरला नागरिकांनी पकडून पोलिसांच्या ताब्यात दिलं. पोलिसांनी गुड्डोचा मृतदेह शवविच्छेदनासाठी पाठवला. या घटनेनंतर या परिसरात एकच खळबळ उडाली आहे.
याबाबत पोलीस अधिक्षक कुलदीप गुणवत यांनी सांगितलं की, “आरोपी सगीरला अटक करण्यात आली आहे. खून करण्यासाठी वापरण्यात आलेलं हत्यार जप्त करण्यात आलं आहे. गुन्हा दाखल करण्यात आला असून, पुढील तपास सुरू आहे.”
Loading ...