प्रेयसीला लाथांनी तुडवणं प्रियकराला पडलं महागात, मुख्यमंत्र्यांचा थेट आरोपीच्या घरावर बुलडोझर चालवण्याचा आदेश, नेमकं काय घडलंय?

मध्य प्रदेशातील रीवा जिल्ह्यात तरुणीसोबत झालेल्या बेदम मारहाणीचा व्हिडिओ समोर आल्यानंतर लोकांमध्ये तीव्र नाराजी आहे. याच दरम्यान मौगंज परिसरात तरुणीसोबत झालेल्या मारहाणीच्या घटनेत पोलिसांनी गुन्हेगार पंकज त्रिपाठी याला अटक करून त्याच्या घरावर बुलडोझर चालवला आहे.

    मध्य प्रदेशातील रीवा जिल्ह्यात तरुणीसोबत झालेल्या बेदम मारहाणीचा व्हिडिओ समोर आल्यानंतर लोकांमध्ये तीव्र नाराजी आहे. याच दरम्यान मौगंज परिसरात तरुणीसोबत झालेल्या मारहाणीच्या घटनेत पोलिसांनी गुन्हेगार पंकज त्रिपाठी याला अटक करून त्याच्या घरावर बुलडोझर चालवला आहे. यासोबतच पोलिसांनी आरोपी चालक पंकजचा परवानाही रद्द केला आहे. पोलिसांनी सायबर सेलच्या मदतीने आरोपीचे लोकेशन ट्रेस करून त्याला उत्तर प्रदेशातील मिर्झापूर येथून अटक केली.

    मीडिया रिपोर्ट्सनुसार, रीवा येथे आपल्या मैत्रिणीला बेदम मारहाण करणाऱ्या पंकज त्रिपाठीला पोलिसांनी यूपीमधून अटक केली आहे. या घटनेनंतर स्टेशन प्रभारी यांनाही निलंबित करण्यात आले आहे. याशिवाय पोलिसांनी बुलडोजर चालवून आरोपीचे घर उद्ध्वस्त केले आहे. रिवा पोलिसांनी आरोपी पंकज त्रिपाठीविरुद्ध अपहरण, प्राणघातक हल्ला आणि अन्य कलमांनुसार गुन्हा दाखल केला असून, सध्या पोलीस आरोपीची चौकशी करत आहेत.

    मीडिया रिपोर्ट्सनुसार, तरुण आणि महिला एकमेकांशी बोलत असताना हा व्हिडिओ बनवण्यात आला आहे. दरम्यान, तरुणी लग्नाबाबत मागणी करत होती. त्या व्यक्तीने व्हिडीओ बनवणाऱ्या दुसऱ्या व्यक्तीला 2 मिनिटांसाठी व्हिडिओ बनवायला थांबवण्यास सांगितले, त्यानंतर त्याने आपल्याजवळ असलेली गोणी खाली ठेवली आणि मुलीला चापट मारली आणि तिचे डोके जमिनीवर आपटले.त्याचवेळी जमिनीवर पडताच तरुणी आरडाओरडा करू लागली, त्यानंतर तरुणाने तिच्या तोंडावर लाथ मारली. यानंतर मारहाण करणारा माणूस स्वतः मागे हटला, ते्व्हाच मुलगी आपल्या पायावर उभी राहू शकली. प्रेयसीला मारहाणीचा हा व्हिडिओ पाहून अनेकांकडून कारवाईची मागणी करण्यात येत होती.

    या घटनेवर मध्य प्रदेशचे मुख्यमंत्री शिवराज सिंह चौहान यांनी देखील संताप व्यक्त केला आहे. तसेच महिलांविरोधात आत्याचार खपवून घेतले जाणार नाहीत असे देखील त्यांनी म्हटले आहे. मुख्यमंत्री कार्यालयाकडून आरोपीच्या घरावर बुलडोझर चालवल्याचा व्हिडीओ देखील शेअर करण्यात आला आहे.