तृणमूल काँग्रेसचे हॉटेल रॅडिसन बाहेर आंदोलन

आसाममध्ये पूरस्थिती (Assam Flood) असल्याने लोकांना मोठ्या समस्यांना सामोरे जावे लागत आहे. मात्र, आसाममधील भाजप सरकार (BJP Government) महाराष्ट्रातील आमदारांची बडदास्त ठेवत असल्याचा आरोप तृणमूल काँग्रेसने केला. पोलिसांनी या आंदोलकांना ताब्यात घेतले आहे.

    गुवाहाटी : महाराष्ट्राच्या (Maharashtra) राजकारणाचा केंद्र झालेल्या गुवाहाटीमधील (Guwahati) हॉटेल रॅडिसन (Hotel Radisson) बाहेर तृणमूल काँग्रेसच्या (Trinamool Congress) कार्यकर्त्यांनी सकाळी आंदोलन (Agitation) केले. आसाममध्ये पूरस्थिती (Assam Flood) असल्याने लोकांना मोठ्या समस्यांना सामोरे जावे लागत आहे. मात्र, आसाममधील भाजप सरकार (BJP Government) महाराष्ट्रातील आमदारांची बडदास्त ठेवत असल्याचा आरोप तृणमूल काँग्रेसने केला. पोलिसांनी या आंदोलकांना ताब्यात घेतले आहे.

    आसाममध्ये आलेल्या पूरामध्ये आसामच्या नागरिकांचे हाल सुरू आहेत. महाराष्ट्रातील राजकीय नाट्याची चिंता न करता आसाम सरकारने राज्यातील नागरिकांची चिंता करावी, अशी मागणी आंदोलकांनी केली. हॉटेल रॅडिसन ब्लूमध्ये शिवसेना आमदार घोडेबाजार सुरू आहेत. त्यासाठी कोट्यवधी रुपयांचा चुराडा होत आहे. त्यांच्यावर खर्च करण्याऐवजी सरकारने पूरग्रस्तांना मदत करावी, अशी मागणी आंदोलकांनी केली. केंद्र आणि राज्यातील भाजप सरकारने आसामच्या नागरिकांना वाऱ्यावर सोडलाचा संताप त्यांनी व्यक्त केला.

    आज सकाळी साडेअकराच्या सुमारास अचानकपणे हॉटेल रॅडिसन्स बाहेर घोषणाबाजी सुरू केली. त्यामुळे गोंधळ उडाला. कोणताही अनुचित प्रकार होऊ नये यासाठी हॉटेलच्या सुरक्षा व्यवस्थेसाठी असलेले पोलीस सतर्क झाले. आसाम सरकारविरोधात आंदोलन करत असलेल्या आंदोलकांना पोलिसांनी त्वरीत ताब्यात घेतले. हॉटेलमध्ये शिरण्याचा आमचा इरादा नाही. मात्र, केंद्र आणि राज्यातील भाजप सरकारचे आसाममधील पूरस्थितीकडे लक्ष वेधण्यासाठी हे आंदोलन करत असल्याचे त्यांनी सांगितले.