NPCI ने जारी केलेल्या परिपत्रकानुसार, व्यापारी UPI व्यवहारांवर हे शुल्क आकारले जाईल. म्हणजेच, बँका आणि प्रीपेड वॉलेटमधील पीअर टू पीअर (P2P) आणि पीअर टू मर्चंट (P2M) व्यवहारांवर हे शुल्क लागू होणार नाही. तुम्ही कोणत्याही काळजीशिवाय UPI वापरू शकता.
येत्या 1 एप्रिलपासून युपीआय पेमेंट्सवर (UPI Payments) शुल्क लागणार असल्याचे आदेश समोर आल्यानंतर देशभरात अनेक जण चिंतेत पडले. देशात अनेकजण डिजिटल पेमेंट्सचा वापर करत असताना दुसरीकडे या व्यवहारावर चार्जेस लागू करण्यात आल्याने खिशाला आणखी भार पडण्याची काळजी लोकांना वाटू लागली. आता, सरकारने यावर स्पष्टीकरण दिले असून सामान्य ग्राहकांनी चिंता करू नये असे आवाहन केले आहे.
नॅशनल पेमेंट्स कॉर्पोरेशन ऑफ इंडिया (NPCI) ने आपल्या परिपत्रकात 2000 रुपयांपेक्षा जास्त पेमेंटसाठी तुम्हाला 1.1% शुल्क आकारले जाईल, असे म्हटले. UPI द्वारे व्यापारी व्यवहार (Merchant Transaction) प्रीपेड पेमेंट इन्स्ट्रुमेंट्स (PPI) शुल्क लागू होणार आहे.
बदलाचा ग्राहकांवर परिणाम होणार नाही
NPCI ने आपल्या परिपत्रकात स्पष्टपणे म्हटले आहे की, या बदलाचा ग्राहकांवर कोणताही परिणाम होणार नाही. ग्राहकांना कोणतेही अतिरिक्त शुल्क भरावे लागणार नाही. बँक खात्यांशी जोडलेल्या UPI व्यवहारांसाठी शुल्क आकारले जाणार नाही. ते पूर्वीप्रमाणे पूर्णपणे विनामूल्य आहेत. (UPI Payment remain Free) फक्त PPI वॉलेटवर शुल्क आकारले जाईल, जे व्यापाऱ्याला भरावे लागणार आहे. यासाठी ग्राहकांसाठी कोणतेही शुल्क आकारले जाणार नाही.
NPCI Press Release: UPI is free, fast, secure and seamless
Every month, over 8 billion transactions are processed free for customers and merchants using bank-accounts@EconomicTimes @FinancialXpress @businessline @bsindia @livemint @moneycontrolcom @timesofindia @dilipasbe pic.twitter.com/VpsdUt5u7U— NPCI (@NPCI_NPCI) March 29, 2023
UPI पेमेंट्ससाठी भरावं लागणार शुल्क?
NPCI ने जारी केलेल्या परिपत्रकानुसार, व्यापारी UPI व्यवहारांवर हे शुल्क आकारले जाईल. म्हणजेच, बँका आणि प्रीपेड वॉलेटमधील पीअर टू पीअर (P2P) आणि पीअर टू मर्चंट (P2M) व्यवहारांवर हे शुल्क लागू होणार नाही. तुम्ही कोणत्याही काळजीशिवाय UPI वापरू शकता. तुम्हाला कोणतेही अतिरिक्त शुल्क भरावे लागणार नाही. सोप्या भाषेत सांगायचे तर UPI पेमेंट पूर्णपणे मोफत आहे. तुमच्यासाठी, सामान्य ग्राहकांसाठी काहीही बदललेले नाही. UPI बँक हस्तांतरणामध्ये काहीही बदल झालेला नाही.
हा प्रस्ताव फक्त Wallets/PPI साठी आहे. म्हणजेच, जर तुम्ही वॉलेटमधून 2 हजारांपेक्षा जास्त व्यवहार केले तर तुम्हाला इंटरचेंज शुल्क आकारले जाऊ शकते, परंतु हे शुल्क व्यापाऱ्याकडून घेतले जाईल. म्हणजेच, जर तुम्ही वॉलेट, क्रेडिट कार्ड यांसारख्या प्रीपेड पेमेंट इन्स्ट्रुमेंट (PPI) द्वारे UPI पेमेंट केले तर तुम्हाला इंटरचेंज फी भरावी लागेल. हे शुल्क तुम्ही व्यापाऱ्याला केलेल्या एकूण पेमेंटच्या 1.1 टक्के इतके असणार आहे. मात्र, हा व्यवहार 2000 रुपयांपेक्षा जास्त असेल तेव्हा शुल्क लागू होणार आहे. डेबिट कार्ड आणि क्रेडिट कार्डच्या बाबतीतही हेच आहे. बँक ते बँक व्यवहार अजूनही पूर्णपणे विनामूल्य आहेत. हे शुल्क व्यापाऱ्याला द्यावे लागेल. येथे व्यापारी म्हणजे सोप्या भाषेत, दुकानदाराला शुल्क द्यावे लागणार आहे. ज्याला तुम्ही UPI द्वारे पैसे देणार आहात.
Loading ...