देशात समुद्राच्या तळाशी अंडरग्राउंड बुलेट ट्रेनचा आनंद घेता येणार! केंद्र सरकारचा महत्त्वाकांक्षी प्रकल्प

देशात पहिल्यांदाच समुद्राच्या तळाशी धावणार बुलेट ट्रेन सुरू करण्यात येणार आहे. याबाबत नॅशनल हाय स्पीड रेल्वे कॉरपोरेशन लिमिटेडने (NHSRCL) माहिती दिली आहे.

    देशात पहिल्यांदाच समुद्राच्या तळाशी अंडरग्राउंड बुलेट ट्रेन (Bullet Train) सुरु करण्यात येणार आहे. यासाठी समुद्राखाली सात किलोमीटर लांबीचा बोगदा हा बांधण्यात येणार आहे. वांद्रे-कुर्ला कॉम्प्लेक्स आणि शिळफाटा येथील भूमिगत स्थानकादरम्यान हा भुयारी मार्ग (Undergroud Tunnel) बांधण्यात येणार असल्याची माहिती आहे.

    मुंबई-अहमदाबाद हाय स्पीड रेल्वे कॉरिडॉरसाठी (Mumbai-Ahmedabad High Speed ​​Rail Corridor) 21 किलोमीटर लांबीचा भुयारी मार्ग तयार करण्यात येणार आहे. यामधील सात किलोमीटर भुयारी मार्ग समुद्राच्या तळाशी असेल. नॅशनल हाय स्पीड रेल्वे कॉरपोरेशनने यासाठी टेंडरही मागवण्यात आले आहे.