भारतीय रिझर्व्ह बँकने (RBI) बँक ऑफ बडोदावर मोठी कारवाई केली आहे. बँकेच्या 'बॉब वर्ल्ड मोबाईल अॅप'वर नवीन ग्राहक जोडण्यास बंदी घातली आहे. या आदेशानंतर नवीन ग्राहक ॲपमध्ये सहभागी होऊ शकणार नाहीत.
नवी दिल्ली : भारतीय रिझर्व्ह बँकने (RBI) बँक ऑफ बडोदावर मोठी कारवाई केली आहे. बँकेच्या ‘बॉब वर्ल्ड मोबाईल अॅप’वर नवीन ग्राहक जोडण्यास बंदी घातली आहे. या आदेशानंतर नवीन ग्राहक ॲपमध्ये सहभागी होऊ शकणार नाहीत. बँकिंग नियमन कायदा, 1949 च्या कलम 35A अंतर्गत बँक ऑफ बडोदाविरुद्ध कारवाई करण्यात आली आहे.
या निलंबनामुळे बॉब वर्ल्ड ग्राहकांना कोणतीही अडचण येणार नाही याची काळजी घेण्यास बँकेला सांगण्यात आल्याचे आरबीआयने म्हटले आहे. जुलै 2023 मध्ये बँक ऑफ बडोदावर आरोप करण्यात आले होते. जुलै 2023 मध्ये मीडिया रिपोर्टमध्ये म्हटले होते की, बॉब वर्ल्ड ग्राहकांच्या खात्यांशी छेडछाड करत आहे. मोबाईल अॅप्लिकेशनमध्ये नोंदणीची संख्या वाढवण्यासाठी वेगवेगळ्या लोकांच्या संपर्क तपशीलांशी लिंक केल्याचा आरोप या अहवालात करण्यात आला होता.
यावर बँक ऑफ बडोदाने म्हटले होते की, अॅप नोंदणीला प्रोत्साहन देण्यासाठी अनधिकृत किंवा ग्राहक नसलेले मोबाईल नंबर जोडण्याची चर्चा चुकीची आहे. बँक ऑफ बडोदाने असेही म्हटले होते की, कोणत्याही ग्राहकाचा एकच मोबाईल नंबर बँकेच्या मोबाईल अॅप्लिकेशन बॉब वर्ल्डसह अनेक बँक खात्यांशी जोडला जाऊ शकत नाही.
Loading ...