Manipur Violence‘त्या बदमाशांनी माझे घर जाळले, ३ मे रोजी माझ्यावर सामूहिक बलात्कार केला मात्र समाजाच्या..; मणिपूरच्या पीडितेने सांगितली आपबिती

मणिपूरच्या चुराचंदपूर येथील मेईती महिलेने कुकी समुदायाच्या लोकांवर सामूहिक बलात्काराचा आरोप केला आहे. महिलेने पोलिसांना सांगितले की, 3 मे रोजी बदमाशांनी तिचे घर पेटवून दिले होते. ती तिच्या दोन मुलांसह, भाची आणि मेहुणीसह जीव वाचवण्यासाठी धावली, पण जमावाने तिला पकडले. शिवीगाळ केली, मारहाण केली. विरोध केला असता तिला जमिनीवर फेकून तिच्यावर सामूहिक बलात्कार केला.

पीडित महिलेने सांगितले की, गँगरेपनंतर कसा तरी जीव वाचवून ती मदत शिबिरात पोहोचली. घटनेपासून ती कॅम्पमध्ये राहत होती. महिलेचे म्हणणे आहे की, समाजाच्या भीतीपोटी तिने आजवर आपल्यावर झालेल्या अत्याचाराबद्दल कोणाशीही बोलले नाही.स्त्रिया आपल्यावर होणाऱ्या अत्याचाराबद्दल बोलत आहेत हे पाहून तिला  धीर आला. बुधवारी (९ ऑगस्ट) पीडित महिलेने बिष्णुपूर पोलिस ठाण्यात एफआयआर दाखल केला. पीडितेचे वय 37 वर्षे आहे.

एफआयआरनुसार, महिलेने सांगितले- ३ मे रोजी संध्याकाळी साडेसहा वाजता कुकी समुदायाच्या लोकांनी माझ्या गावावर हल्ला केला. ते लोकांची घरे जाळत होते. जमावाने माझे घरही पेटवून दिले. जीव वाचवण्यासाठी मी माझी दोन मुले, भाची आणि मेहुणीसह घरातून पळून आले.

मी माझ्या भाचीला पाठीवर बसवले आणि माझ्या दोन्ही मुलांसह पळू लागलो. माझी वहिनीही पाठीवर एक मूल घेऊन माझ्या पुढे धावत होती. रस्त्याने धावताना मी अडखळले आणि पडले . हे पाहून वहिनी परत आली, तिने भाचीला माझ्या पाठीवरून उचलले. ती माझी काळजी घेऊ लागली, पण माझ्या सांगण्यावरून ती तिची भाची आणि माझ्या दोन मुलांसह पळून गेली.

मी तिथून उठू शकले तोपर्यंत पाच-सहा जणांनी मला पकडले. त्यांनी मला शिवीगाळ करत मारहाण करण्यास सुरुवात केली. मी विरोध केला असता त्यांनी मला जमिनीवर फेकले आणि माझ्यावर सामूहिक बलात्कार केला.

कसा तरी जीव वाचवून मी तिथून पळ काढला, पण माझी प्रकृती ढासळू लागली. माझ्या मनात आत्महत्येचे विचार येऊ लागले. त्यानंतर मी इंफाळच्या रिजनल इन्स्टिट्यूट ऑफ मेडिकल सायन्सेसमध्ये गेले, पण लाजेने मी डॉक्टरांना न भेटताच परत आलो.

मी मंगळवारी (8 ऑगस्ट) इंफाळमधील जेएनआयएमएस रुग्णालयात गेले. जिथे डॉक्टरांनी माझ्यावर उपचार केले आणि त्यांच्या सल्ल्याने मला पोलिसांकडे जाण्याचे धैर्य मिळाले. मला जाणवले की मी या घोर गुन्ह्यातून माझ्या स्वतःच्या कोणत्याही दोषाशिवाय ढकलले गेले  होते. माझ्याशी गैरवर्तन करणाऱ्या, लैंगिक आणि शारीरिक अत्याचार करणाऱ्या दोषींना कठोर शिक्षा झाली पाहिजे.

यापूर्वी 19 जुलै रोजी मणिपूरमधील एक व्हिडिओ व्हायरल झाला होता. यामध्ये काही लोक दोन महिलांना विवस्त्र करून त्यांच्यासोबत अश्लील कृत्य करताना दिसले. महिलांची नग्न परेड करण्याची घटना राजधानी इंफाळपासून 35 किमी अंतरावर असलेल्या कांगपोकपी जिल्ह्यात 4 मे रोजी घडली होती. या प्रकरणी 18 मे रोजी एफआयआर दाखल करण्यात आला होता. व्हिडिओ व्हायरल झाल्यानंतर आरोपींना अटक करण्यात आली.

4 मे रोजी कांगपोकपी जिल्ह्यातील कोनुंग मामांग भागात आणखी दोन मुलींवर बलात्कार करून त्यांची हत्या करण्यात आली होती. हे ठिकाण कांगपोकपीपासून 40 किलोमीटर अंतरावर आहे. पीडितेसोबत काम करणाऱ्या एका व्यक्तीने सांगितले की, एक मुलगी 21 आणि दुसरी 24 वर्षांची होती.

मणिपूरमध्ये 3 मे पासून कुकी आणि मीतेई समुदायांमध्ये सुरू असलेल्या हिंसाचारात आतापर्यंत 150 हून अधिक लोकांचा मृत्यू झाला आहे. त्याच वेळी, 1000 हून अधिक लोक जखमी झाले आहेत. 65,000 हून अधिक लोकांनी आपली घरे सोडली आहेत. जाळपोळीच्या ५ हजारांहून अधिक घटना घडल्या आहेत. 6 हजार गुन्हे दाखल झाले आहेत.