sambhajiraje chhatrapati

कोल्हापूर: मराठा आरक्षणाच्या(maratha reservation) अंमलबजावणीला स्थगिती(stay) देत हे प्रकरण सर्वोच्च न्यायालयाने(supreme court) घटनापीठाकडे वर्ग केले. सर्वोच्च न्यायालयाचे न्यायमूर्ती नागेश्वर राव, न्या.हेमंत गुप्ता,आणि न्या.एस.रविंद्र भट यांनी हा निर्णय सुनावला. मात्र सर्वोच्च न्यायालयाच्या या निर्णयावरून राज्यसभेचे खासदार आणि मराठा आरक्षण समितीचे नेते संभाजीराजे छत्रपती(sambhajiraje chatrapati) चांगलेच कडाडले. संभाजीराजे यांनी म्हटले की, मराठा समाजाने टाकलेल्या विश्वासाला गृहीत धरून जर कोणी दगा फटका करत असेल तर त्यांना त्याची किंमत मोजावी लागेल.

संभाजी राजे म्हणाले, आम्ही राज्यघटनेचा आणि न्याय व्यवस्थेचा आदर करतो. मराठा समाजाने आरक्षण मिळवण्यासाठी प्रचंड मोठा त्याग केला आहे. अनेकांनी स्वतःच्या आयुष्याची होळी केली, हजारो लोकांचे संसार उध्वस्त झाले आहेत. या राष्ट्राच्या एकेक इंच जमिनीचे रक्षण करण्याकरिता, इथल्या संस्कृतीचे रक्षण करण्याकरिता सर्वात जास्त त्याग करणारा हा समाज आहे. त्या राष्ट्रभक्त समाजाला स्वतंत्र भारतात डावलले जात असल्याची भावना निर्माण होत आहे. राज्यघटनेच्या चौकटीत मराठा समाजालाही समतेची वागणूक मिळावी अशी अपेक्षा आहे.

मी समाजाचा घटक या नात्याने जबाबदारी पूर्वक सांगू इच्छितो की, महाराष्ट्रातील विद्यमान सरकार असो की मागचे सरकार असो.समाजाने टाकलेल्या विश्वासाला गृहीत धरून कुणी दगा फटका करत असेल तर त्यांना त्याची जबर किंमत मोजावी लागेल. यापुढे समाज जो ठरवेल ती माझी भूमिका असेल.