कोल्हापूरात पावसाचा हाहाकार सुरूच, महापूराचा धोका ; NDRF च्या दोन तुकड्या रवाना

NDFR च्या अधिकाऱ्यांनी दिलेल्या माहितीनुसार, गुरुवारी सकाळी ८ वाजता पुण्याहून NDRF च्या दोन तुकड्या कोल्हापूरच्या दिशेने रवाना झाल्या आहेत. कोल्हापूरची सद्य परिस्थिती पाहता महापूर येण्याची दाट शक्यता असल्याने १ जून ते १५ ऑगस्ट पर्यंत NDRFचे पथक कोल्हापूरात तैनात करण्याचे नियोजन करण्यात आले होते.

    कोल्हापूरात पावसाचा हाहाकार सुरूच आहे. कोल्हापूर जिल्ह्याला पावसाने झोडपून काढल्याने कोल्हापूरात पूरसदृष्य परिस्थिती निर्माण झाली आहे. पंचगंगा नदीची पातळी ३६ फुटांपर्यंत पोहचली आहे. त्यामुळे जिल्ह्यातील जवळपास ७७ बंधारे पाण्याखाली गेले आहे. त्यामुळे कोल्हापूरला महापूराचा धोका निर्माण झाला असून आपात्कालीन परिस्थितीत मदतीसाठी NDRF च्या दोन तुकड्या पुण्याहून कोल्हापूरच्या दिशेने रवाना झाल्या आहेत.

    NDFR च्या अधिकाऱ्यांनी दिलेल्या माहितीनुसार, गुरुवारी सकाळी ८ वाजता पुण्याहून NDRF च्या दोन तुकड्या कोल्हापूरच्या दिशेने रवाना झाल्या आहेत. कोल्हापूरची सद्य परिस्थिती पाहता महापूर येण्याची दाट शक्यता असल्याने १ जून ते १५ ऑगस्ट पर्यंत NDRFचे पथक कोल्हापूरात तैनात करण्याचे नियोजन करण्यात आले होते.

    त्यानुसार आज पथके कोल्हापूरात तैनात करण्यात आली असून एक पथक कोल्हापूरात तर महापूराचा धोका वाढल्यास दुसरे पथक शिरोळ तालुक्यात तैनात करण्यात येईल असे सांगण्यात आले आहे.