गोकुळ दूध संघावर सत्ता कुणाची? : सतेज पाटील यांच्या गटातील तीन उमेदवार विजयी

महिलांच्या सर्वसाधारण गटातून सतेज पाटील यांच्या गटाच्या अंजना रेडेकर विजयी झाल्या आहेत. तर महाडिक गटाकडून शौमिका महाडिक यांनी ४३ मतांनी विजय मिळविला आहे. शौमिका यांच्यानिमित्ताने महादेवराव महाडिक यांच्या कुटुंबियातील उमेदवार विजयी झाला आहे. त्यांना पहिल्यांदाच उमेदवारी देण्यात आली होती. शौमिका यांच्या विजयाबरोबरच महाडिक आघाडीने खातं उघडलं आहे. मात्र, शौमिका यांच्या विजयानंतर विरोधी गटाकडून फेर मतमोजणीची मागणी करण्यात आली आहे.

    संपूर्ण राज्याचं लक्ष लागलेल्या कोल्हापूर जिल्हा दूध उत्पादक संघ अर्थात गोकुळसाठी झालेल्य मतदानाचा आज निकाल जाहीर होत आहेत.या निवडणुकीच्या निमित्ताने कोल्हापूरच्या राजकारणात माजी आमदार महादेवराव महाडिक आणि सतेज पाटील यांच्या चुरस बघायला मिळत आहे. मतमोजणी सुरू आतापर्यंत हाती आलेल्या निकालामध्ये सतेज पाटील यांच्या गटाचे तीन उमेदवार विजयी झाले आहेत.

    या निवडणुकीत सत्ताधारी आमदार पी एन पाटील, माजी आमदार महादेवराव महाडिक यांच्या राजर्षी शाहू आघाडीला पालकमंत्री सतेज पाटील, ग्रामविकास मंत्री हसन मुश्रीफ, खासदार संजय मंडलिक यांच्या राजर्षी शाहू परिवर्तन आघाडीने आव्हान दिलं आहे.कोल्हापूर जिल्ह्यातील १२ तालुक्यात गोकुळचे कार्यक्षेत्र आहे. राज्यातील सर्वात मोठ्या गोकुळ दूध संघाच्या संचालक मंडळाच्या निवडणुकीसाठी करोना संसर्गाचा प्रसार होत असतानाही प्रचाराचा धुरळा उडाला होता. ३ मे रोजी जिल्ह्यातील ७० मतदार केंद्रांवर मतदान पार पडले. २१ जागांसाठी ४५ उमेदवार रिंगणात उतरले असून, मतदानासाठी सत्तारूढ आणि विरोधी दोन्ही आघाड्यांनी शक्तिप्रदर्शनावर भर दिला होता. आज गोकुळ दूध संघाच्या निवडणुकीचे निकाल जाहीर होत असून, आतापर्यंत सतेज पाटील यांच्या गटाचे तीन उमेदवार विजयी झाले आहेत. सुजित मिणचेकर यांनी ३४६ मतांनी विजयी मिळविला. तर अमर पाटील यांनी ४३६ मते आणि बयाजी शेळके यांनी २३९ मतांनी विजयी झाले आहेत.

    शौमिका महाडिक विजयी

    महिलांच्या सर्वसाधारण गटातून सतेज पाटील यांच्या गटाच्या अंजना रेडेकर विजयी झाल्या आहेत. तर महाडिक गटाकडून शौमिका महाडिक यांनी ४३ मतांनी विजय मिळविला आहे. शौमिका यांच्यानिमित्ताने महादेवराव महाडिक यांच्या कुटुंबियातील उमेदवार विजयी झाला आहे. त्यांना पहिल्यांदाच उमेदवारी देण्यात आली होती. शौमिका यांच्या विजयाबरोबरच महाडिक आघाडीने खातं उघडलं आहे. मात्र, शौमिका यांच्या विजयानंतर विरोधी गटाकडून फेर मतमोजणीची मागणी करण्यात आली आहे.