पावसाळ्यात बाईकस्वारांनी काय काळजी घ्यावी?

पावसाळा हा बाईकस्वारांसाठी आणि स्कूटरस्वारांसाठी तसा कठीण हंगाम असतो. त्यामुळे पावसाळ्यात कश्यापध्दतीने तुम्ही बाईकची काळजी घेऊ शकता तसेच बाईक चालवताना कोणत्या गोष्टींकडे विशेष लक्ष दिले पाहिजे याबद्दल जाणून घेऊयात.

 

आताच पावसाळा सुरु झाला आहे आणि  पावसाळा हा बाईकस्वारांसाठी आणि स्कूटरस्वारांसाठी कठीण हंगाम असतो. गुळगुळीत रस्ते, पाण्याने भरलेले खड्डे आणि कमी दृश्यमानता यामुळे अपघाताचा धोका वाढतो. त्यामुळे, पावसाळ्यात तुमची बाईक अथवा स्कूटी चांगल्या स्थितीत ठेवणे आणि सुरक्षितपणे चालवणे महत्वाचे आहे.

बाईकची देखभाल:

• सर्व्हिसिंग: पावसाळ्यापूर्वी तुमची बाईक एका चांगल्या मेकॅनिककडून सर्व्हिस करून घ्या. यात ब्रेक, टायर, बॅटरी आणि इलेक्ट्रिकल्सचा समावेश आहे.
• टायरची तपासणी: टायरची हवा योग्य पातळीवर आहे याची खात्री करा. टायर खराब झाल्यास किंवा खड्ड्यातून गेल्यास त्वरित बदलून टाका.
• ब्रेकची तपासणी: ब्रेक चांगल्या स्थितीत आहेत याची खात्री करा. ब्रेक पॅड खराब झाल्यास त्वरित बदलून टाका.
• बॅटरीची तपासणी- बॅटरी तपासा जर बॅटरीमध्ये बिघाड वाटत असेल तर ते बदलून  घ्या कारण हेडलाईटवर बॅटरीचा थेट परिणाम होतो आणि पावसाळ्यात दृश्यमानता कमी असते त्यामुळे अशा स्थिती वाहन चालविणे अधिक धोक्याचे असते.
• इलेक्ट्रिक सामग्रीची तपासणी: इग्निशन सिस्टम, हेडलाइट्स आणि इतर इलेक्ट्रिकल्स चांगल्या स्थितीत आहेत याची खात्री करा.

 

बाईक चालवताना या बाबींवर विशेष लक्ष द्या:

• कमी गतीने आणि शांतपणे चालवा: पावसाळ्यात रस्ते स्लाईड होण्याची शक्यता जास्त असते. त्यामुळे, नेहमी कमी गतीने आणि शांतपणे चालवा.
• वाढीव अंतर ठेवा: पुढील वाहनापासून सुरक्षित अंतर ठेवा जेणेकरून तुम्हाला अचानक थांबावे लागल्यास पुरेसा वेळ मिळेल.
• पाण्यातून जाताना सावधगिरी बाळगा: पाण्यातून जाताना वेग कमी करा आणि ब्रेक लावताना सावधगिरी बाळगा.
• खड्ड्यांपासून सावध रहा: रस्त्यावरील खड्डे टाळा. खड्ड्यातून गेल्यास त्वरित ब्रेक लावू नका. खड्यात नेमके किती पाणी असेल याचा अंदाज येत नाही त्यामुळे खड्यांमध्ये वाहन सर्तकता बाळगणे गरजेचे आहे.
• रात्री चालवताना सावधगिरी बाळगा: रात्रीच्या वेळी दृश्यमानता कमी असते. त्यामुळे, हेडलाइट्सचा योग्य वापर करा आणि कमी गतीने चालवा.
• वॉटरप्रूफ कपडे घाला – पावसापासून वाचण्यासाठी वॉटरप्रुफ कपड्यांचा वापर आवश्यक आहेच अन्यथा तुम्ही भिजता आणि त्यामुळे आपल्या वाहनावरील नियंत्रणावर त्याचा परिणाम होतो.