Weekly Horoscope December 27 to January 2, 2021 nrng
साप्ताहिक राशी भविष्य दि. २७ डिसेंबर ते २ जानेवारी २०२१; जाणून घ्या अशी आहे या आठवड्यात ग्रहांची चाल

मेष : अपेक्षित परिणाम मिळेल

प्रत्येक वेळी असणारी घाई  बाजूला ठेवावी लागेल. सुरक्षेचे आवश्यक ते कवच धारण करावे लागेल. नोकरीमध्ये भरकटलेल्या मनाची अवस्था स्थिर होईल. वरिष्ठांच्या आदेशाचे पालन कराल. व्यवसायात अपेक्षित परिणाम मिळतील. स्पर्धेच्या ठिकाणी तीव्र मतभेद टाळा. व्यावहारिकदृष्टय़ा  मर्यादा लक्षात ठेवा. विचारांचे आदानप्रदान, चर्चासत्र यातून योग्य तो सल्ला मिळेल. आर्थिक गणित चांगले जमेल. राजकीय क्षेत्रात स्वत:ला जबाबदारी घ्यावी लागेल. नातेवाईक व कुटुंबीयांकडून तुमचे कौतुक होईल. वैवाहिक जोडीदाराशी सामोपचाराने घ्याल.  मानसिक व शारीरिकदृष्टय़ा आरोग्य सुदृढ राहील.

शुभ दिनांक : ७, १०

वृषभ :  अवघड गोष्टींना पूर्णविराम  

विविध गोष्टींचे नियोजन विचारपूर्वक कराल. अवघड गोष्टींना पूर्णविराम मिळेल. नव्या कामातून मिळणारा आनंद द्विगुणित करणारा असेल. विनाकारण होणारी पळापळ कमी होईल. रेंगाळलेली कामे मार्गी लागतील. व्यापारी वर्गाला कष्टाचे चीज झाल्याचे समाधान मिळेल. अनेक क्षेत्रांत कौतुकाची थाप मिळेल. भागीदारीतून फायदा मिळेल. पैशाच्या बाबतीत मोठा धनलाभ होईल.  खरेदीचा बेत यशस्वी होईल. राजकीय क्षेत्रात सन्मान वाटय़ाला येईल. भावंडांच्या अधिक अपेक्षा व त्यांचे काही प्रश्न यातून मोठे काही निर्माण होणार नाही असे पाहा. जोडीदाराच्या आनंदात सहभागी होऊन त्यांचाही आनंद वाढवा. मानसिक मनोबल वाढेल .आरोग्य उत्तम राहील.

मिथुन :  कोणाचीही अति थट्टा करू नका.  

कोणाचीही अति थट्टा करू नका. बोलण्याचा कल बिघडू देऊ नका. नोकरीमध्ये विशेष संकेत मिळतील. एखाद्या विषयावर मार्गदर्शक अशी होणारी चर्चा महत्त्वाची ठरेल. व्यापारविस्ताराच्या संकल्पना प्रत्यक्षात आणू शकाल. अपेक्षित  भेटीगाठी यांचा चांगला उपयोग होईल. साहित्य, कला, शेती, खाद्यपदार्थ निर्मिती व विक्री अशा अनेक क्षेत्रांतून पुढचे पाऊल दमदार टाकण्याच्या संधी मिळतील. व्यवसायातील कमतरता भरून निघेल. आर्थिकदृष्टय़ा परिस्थितीत बदल होईल; पण खर्चाचा अंदाज चुकवू नका. सामाजिक बांधिलकी जपाल. वैवाहिक जोडीदाराच्या संकल्पना आवडतील. प्रकृतीची काळजी घ्या.

शुभ दिनांक : ९

कर्क : प्रेरणादायी सप्ताह

नोकरदार व्यक्तींना अपेक्षित पदोन्नती किंवा वेतनवृद्धीची खात्री होईल. वरिष्ठांशी जुळवून घेतल्याचे सुपरिणाम हाती येतील. हाती घेतलेले काम तडीस न्याल. व्यापारी लोकांनी बाजारपेठेचा घेतलेला अंदाज अचूक असेल. उलाढालींची ठरवलेली उद्दिष्टे सहज गाठाल. व्यापाराची  केलेली जमवाजमव कामातील कसर भरून काढेल. सध्या इच्छापूर्तीचे दिवस आहेत, असेच वाटेल. त्यामुळे मनाला प्रेरणा मिळेल. अनपेक्षित येणी वसूल होतील.  पैशांची गुंतवणूक करताना मात्र फसवणूक होणार नाही याकडे लक्ष द्या. मित्रपरिवाराची मदत मिळेल. कुटुंबातील दुरावा वाढू देऊ नका. धार्मिक गोष्टींची ओढ राहील. शारीरिकदृष्टय़ा योगसाधनेला महत्त्व द्या.

सिंह  :  नोकरीमध्ये बदलीचे संकेत  

आपला काळ, काम, वेग यांचे गणित अचूक राहील. आवश्यक गोष्टींकडे लक्ष द्यावे लागेल. कामामध्ये नवी उमेद जागृत होईल. नोकरीमध्ये बदलीचे संकेत मिळू शकतात. वाढणारी ऊर्जा आणि कार्यशक्ती यातून नवा मार्ग मिळेल. व्यापारी वर्गाला नव्या संकल्पना उपयोगात येतील. आपली चालू असलेली वाटचाल अनुकूल असेल. प्रयत्नांना यशाचा किनारा लाभेल.  पैशासाठी केलेली तरतूद सफल ठरेल; पण मोठे खर्च योग्य कारणासाठी करा. राजकीय क्षेत्रातील स्पर्धा वाढू देऊ नका. वैवाहिक जोडीदाराची मन:स्थिती समजून घ्या. शारीरिकदृष्टय़ा होणारी पळापळ कमी करा.

शुभ दिनांक : १०

कन्या :  चालून आलेल्या संधीला डावलू नका  

बोललेले शब्द मागे घेता येत नाहीत हे विसरून चालणार नाही. नोकरदार व्यक्तींची महत्त्वाकांक्षा पूर्ण होईल. चालून आलेल्या संधीला डावलू नका.
कर्तृत्वाला महत्त्व द्या. व्यापारी क्षेत्रात हुलकावणी देणाऱ्या गोष्टी समोर येतील. त्यापासून असणारे सावधानतेचे पाऊल योग्य ठरेल. प्रामाणिकपणे केलेल्या कामांचे फळ मिळेल. महत्त्वाच्या निर्णयांमध्ये ज्येष्ठांचा सल्ला घ्या. तो हितकारक ठरेल. बऱ्यापैकी आवक वाढल्याने मनाचा उत्साहही वाढेल. राजकीय क्षेत्रात विजय संपादन कराल. मित्रांचा पाठिंबा उत्तम राहील. कौटुंबिक छोटय़ा कार्यक्रमाचे आयोजन कराल. धार्मिक अनुष्ठान यशस्वी ठरेल. तुमच्याकडून सत्पात्री दान होईल. प्रकृती साथ देईल.

शुभ दिनांक : ११

तूळ :  महत्त्वाचे करार करताना काळजी घ्या  

कौटुंबिकदृष्टय़ा खेळीमेळीचे वातावरण ठेवा. सप्ताहाच्या सुरुवातीला मनासारख्या गोष्टी घडाव्यात याचा अट्टहास सोडून द्या. विनाकारण दिनक्रमात बदल करत बसू नका. नोकरीच्या ठिकाणी परिश्रमाची ताकद वाढेल. कामानुसार मोबदला मिळेल. बऱ्याच अंशी दगदग कमी होईल. महत्त्वाचे करार करताना काळजी घ्या. व्यापारी क्षेत्रात सुधारणा घडतील. काही प्रमाणात अनपेक्षित उत्पादन वाढवावे लागेल. त्याची तरतूद  करून ठेवावी लागेल. थोडी धावपळ होईल, पण श्रमाचे फळ मिळेल. आर्थिकदृष्टय़ा संघर्ष कमी होईल. सार्वजनिक स्तरावर समतोल राखणे हिताचे ठरेल. नातेवाईकांसमवेत असलेला संबंध आणि स्नेह दृढ करण्याचा प्रयत्न करा. वैवाहिकदृष्टय़ा सकारात्मक बदल करा. प्रकृतीचे स्वास्थ्य जपा.

शुभ दिनांक : ६

वृश्चिक :  व्यवसायात मोठी प्राप्ती होईल  

मनाची ताकद वाढवा. प्रत्येक गोष्टीचे पाऊल विचारपूर्वक टाका. धाडसी प्रयोग करणे टाळा. नोकरदार व्यक्तींच्या कामातील सराव वाढवावा लागेल. नियोजनात्मक गोष्टींवर भर द्या. द्विधा मन:स्थितीतून बाहेर या. व्यवसायातील चलबिचलता कमी होईल. दिवसेंदिवस व्यापारी क्षेत्र वाढेल. जीवनावश्यक गोष्टींच्या व्यवसायात मोठी प्राप्ती होईल. नियमांना हाती धरून उत्तम प्रयोजन कराल. उत्पन्नाचे स्रोत वाढवावे लागेल. दडपण कमी होईल; पण इतरांशी तुलना करणे टाळा. मिळालेल्या फायद्याचे स्वरूप खर्चात बदलू नका. राजकीय क्षेत्रात इतरांच्या कामावर चर्चा करणे टाळा. तुमचे स्वत:चे काम सोडून मिळालेला वेळ कुटुंबासाठी द्या. जोडीदाराशी एकनिष्ठ राहा. उपासनेत मन रमवा. आरोग्य निरोगी ठेवण्याचा प्रयत्न करा.

शुभ दिनांक : ९

धनू : हलगर्जीपणा  टाळा

स्थिर राहण्याचा प्रयत्न करा. नोकरीच्या ठिकाणी स्वत: सतर्क राहणे महत्त्वाचे राहील. कामाच्या नोंदी ज्या त्या वेळी करा. त्यात हलगर्जीपणा करणे टाळा. महत्त्वाच्या बाबी लक्षात घ्या. कोणताही गोंधळ तुमच्या हातून होऊ देऊ नका. व्यावसायिकदृष्टय़ा स्वत:ला मोबदला कसा मिळेल ते बघा.

हलकी सुरुवातसुद्धा मनाला धीर देणारी असेल. मागील अनुभव लक्षात घ्या. त्यानुसारच हालचाल करा. एकदम कामाचा उरक उरकू नका. प्रत्यक्ष कृतीवर भर द्या. उधार- उसनवारी करू नका. पैशांची आवक बेताची राहील. सार्वजनिक क्षेत्रातील धरसोडपणा कमी करा. वरिष्ठांची मर्जी सांभाळा. कुटुंबाविषयी सकारात्मक विचार करा. आरोग्याचे पथ्यपाणी पाळा.

शुभ दिनांक : ७,९

मकर :  प्रगतीकडे वाटचाल  

न सुटणारी कोडी सरळमाग्रे सुटतील. नोकरदार व्यक्तीने इतरांना शब्द देताना विचार करा. बारीकसारीक गोष्टींना महत्त्व द्यावे लागेल. कामावर नियम व अटींचे पालन करावे लागेल. प्रगतीकडे वाटचाल करताना समजून काम करा. व्यवसायातील निर्णयक्षमता वाढेल. व्यापाऱ्यांच्या अडकून राहिलेल्या समस्या कमी होऊ लागतील.
कारखानदारीचा प्रश्न मार्गी लागेल. उद्योगधंद्यातील तोटय़ाचे प्रमाण कमी होईल. तुटलेला संपर्क पुन्हा संपुष्टात येईल.
आवक बऱ्यापकी वाढलेली असेल. संततीच्या आरोग्याची काळजी घ्या. जिवलग सहकाऱ्यांची साथ उत्तम राहील. जोडीदाराशी गोडीचा संवाद साधा. आध्यात्मिक मनोबल वाढेल. आरोग्याच्या तक्रारी कमी होतील.

शुभ दिनांक : ६,११

कुंभ :  बोलण्यावर नियंत्रण ठेवा  
घरातील ज्येष्ठ व्यक्तींचा आदर करा. एकत्रित बसून निर्णय घ्या. वादाचे प्रसंग टाळा. नोकरदार वर्गाने कामाचा भार हलका कसा होईल. याकडे लक्ष द्या. क्रोधाने कोणतीही गोष्ट साध्य होणार नाही. बोलण्यावर नियंत्रण ठेवा, संयम सोडू नका. व्यापारी क्षेत्रातील वाढता संघर्ष कमी करा. भागीदारी क्षेत्रातील हिशोब बसून मिटवण्याचा प्रयत्न करा. निष्काळजीपणाने कोणत्याही बाबी घाईने करू नका. शांतपणे सर्व गोष्टी हाताळा. योग्य कारणासाठी खर्च केला तर पैशांची बचत होऊ शकेल. राजकारणातील तिढा सोडवताना इतरांना त्रास होणार नाही याची काळजी घ्या. सकारात्मक बदल घडवून मानसिक समतोलता राखा. आरोग्याला विश्रांतीची गरज भासेल.

शुभ दिनांक : ७,९

मीन : शुभ संकेत मिळतील
इतरांची मर्जी तुमच्यावर राहील. नोकरदार व्यक्तींना शुभ संकेत मिळतील. सतत होणारी घाई कमी होईल. वरिष्ठांना तुमचे मुद्दे पटणारे असतील. जबाबदार व्यक्ती म्हणून निवड होईल. उद्योगधंद्यातील चलनवलन वाढेल. अनेक योजनांतून प्रयत्न यशस्वी होतील. मोठे व्यापारी क्षेत्रसुद्धा प्रगतीकडे झुकलेले असेल. स्थिर अवस्था यायला आता वेळ लागणार नाही. आर्थिक परिस्थिती समाधानाची राहील. सामाजिक क्षेत्रातील उत्साह वाढता राहील.
मित्रमंडळींशी  गप्पांची मफल चांगली जमेल. संततीची गोड बातमी समजेल. भावंडांशी बिघडलेले संबंध सुधारू लागतील. धार्मिक गोष्टींची अनुकूलता वाढेल. शारीरिकदृष्टय़ा तंदुरुस्त राहाल.

शुभ दिनांक : ९,१०