अजिबात टाळू नका ‘ही’ भाजी; ब्रोकोलीचं सेवन आहे खूपच फायदेशीर

ब्रोकोलीमध्ये कॅल्शियम, लोह, जीवनसत्त्वे 'ए' आणि 'सी' आणि प्रथिने यांसारख्या पोषक तत्वांचा भरपूर प्रमाणात समावेश होतो, ज्यामुळे शरीरातील पोषक तत्वांची कमतरता भरून काढण्यास मदत होते.

    ब्रोकोलीचे (Broccoli) सेवन केल्याने अनेक आरोग्यदायी फायदे होतात. अनेक पोषक तत्वांनी युक्त ब्रोकोली अनेक समस्यांवर मात करण्यास मदत करते. ब्रोकोलीमध्ये कॅल्शियम, लोह, जीवनसत्त्वे ‘ए’ आणि ‘सी’ आणि प्रथिने यांसारख्या पोषक तत्वांचा भरपूर प्रमाणात समावेश होतो, ज्यामुळे शरीरातील पोषक तत्वांची कमतरता भरून काढण्यास मदत होते. तसेच, ब्रोकोलीमध्ये अँटिऑक्सिडेंट, अँटी-कॅन्सर आणि अँटी-इंफ्लेमेटरी गुणधर्म असतात, ज्यामुळे व्यक्तीला अनेक गंभीर आजारांपासून संरक्षण मिळते. कोलेस्ट्रॉल कमी करण्यासाठी ब्रोकोली खूप फायदेशीर आहे. तसेच हाडे मजबूत होण्यास मदत होते. चला तर मग जाणून घेऊया ब्रोकोली खाण्याचे आरोग्य फायदे.

    ब्रोकोली खाण्याचे फायदे

    • हृदय निरोगी ठेवण्यासाठी फायदेशीर

    हृदय निरोगी ठेवण्यासाठी बोकळीचे सेवन करणे खूप फायदेशीर मानले जाते. कारण ब्रोकोलीमध्ये सेलेनियम आणि ग्लुकोसिनोलेट्ससारखे घटक आढळतात, जे निरोगी हृदय  राखण्यास मदत करतात. तसेच यामध्ये असलेले फायबर कोलेस्ट्रॉल कमी करण्यास मदत करते.

    • हाडे मजबूत करण्यासाठी फायदेशीर

    ब्रोकोलीचे सेवन हाडे मजबूत करण्यासाठी खूप फायदेशीर मानले जाते. कारण ब्रोकोलीमध्ये कॅल्शियम मुबलक प्रमाणात आढळते, जे हाडे मजबूत करण्यास मदत करते. यासोबतच दातही मजबूत होतात.

    • रोगप्रतिकारशक्ती वाढवण्यासाठी फायदेशीर

    रोगप्रतिकारक शक्ती वाढवण्यासाठी ब्रोकोलीचे सेवन करणे खूप फायदेशीर मानले जाते. कारण ब्रोकोलीमध्ये व्हिटॅमिन सी मुबलक प्रमाणात आढळते, जे रोगप्रतिकारक शक्ती वाढवण्यास मदत करते. जे रोगप्रतिकारक शक्ती मजबूत करते. यासोबतच संसर्गापासून बचाव करण्यासही मदत होते.