पांढरेशुभ्र दात हवे आहेत? मग ‘हे’ घरगुती उपाय करतील समस्या दूर, वाचा माहिती

    निरोगी राहण्यासाठी संतुलित आहार, नियमित व्यायाम, पुरेशी झोप, योग्य राहणीमान आवश्यक आहे. त्याच वेळी, अन्न खाण्यासाठी मजबूत आणि निरोगी दात (Teeth)  आवश्यक आहेत. दातांमध्ये कोणत्याही प्रकारची समस्या असल्यास ती व्यक्ती अन्न नीट चघळू शकत नाही. यामुळे पोट फुगणे, अपचन, बद्धकोष्ठता इत्यादी पोटाशी संबंधित आजार होण्याचा धोका वाढतो. त्याचबरोबर दातांच्या दीर्घकाळ समस्यांमुळे कावीळ, संवेदनशीलता, दात किडणे, हिरड्यांमधून रक्त येणे इत्यादी समस्या उद्भवू शकतात. तज्ज्ञांच्या मते, चहा-कॉफीचे अतिसेवन, धूम्रपान, नीट ब्रश न करणे आणि आनुवंशिकतेमुळे दात पिवळे पडतात. यासाठी दातांची योग्य काळजी घेणे आवश्यक आहे. जर तुम्हालाही तुमच्या पिवळ्या दातांनी त्रास होत असेल तर या गोष्टी वापरा. (Teeth Whitening Tips)  जाणून घेऊया-

    • ब्रश

    दातांची काळजी घेण्यासाठी दिवसातून दोनदा घासण्याचा सल्ला आरोग्य तज्ज्ञ देतात. सकाळी उठल्यानंतर आणि रात्री झोपण्यापूर्वी ब्रश करा. मऊ हाताने म्हणजे हलक्या हातांनी ब्रश करा. वारंवार ब्रश केल्याने हिरड्यांना इजा होऊ शकते. त्याचबरोबर दिवसातून दोनदा ब्रश केल्याने दात निरोगी आणि पांढरे राहतात.

    • संत्र्याची साल

    संत्र्यामध्ये व्हिटॅमिन-सी आणि कॅल्शियम मुबलक प्रमाणात आढळते. याच्या सेवनाने दात मजबूत होतात. त्याचबरोबर संत्र्याच्या सालीने दात स्वच्छ केल्याने पिवळे दात निघून जातात. यासाठी रात्री झोपण्यापूर्वी संत्र्याच्या सालीच्या साहाय्याने दात स्वच्छ करा.

    • लवंग पावडर

    दंतवैद्य देखील लवंग पावडरने दात स्वच्छ करण्याची शिफारस करतात. यासाठी लवंग पावडरमध्ये ऑलिव्ह ऑईल मिसळून दात स्वच्छ करा. यामुळे पिवळ्या दातांच्या समस्येपासून तर सुटका मिळतेच पण श्वासाची दुर्गंधीही दूर होते.

    • लिंबू

    लिंबूमध्ये व्हिटॅमिन-सी आढळते. यामुळे रोगप्रतिकारक शक्ती मजबूत होते. यासोबतच दातांच्या समस्येवरही आराम मिळतो. तुम्हालाही पिवळ्या दातांचा त्रास होत असेल तर लिंबाचा रस मीठ आणि मोहरीच्या तेलात मिसळून दात स्वच्छ करा. यामुळे पिवळ्या दातांची समस्याही दूर होते.