palak shankarpale

अवघ्या काहीच दिवसांवर दिवाळी आली आहे. यंदा कोरोनामुळे घरातली महिला मंडळींचा बाहेरच्या पेक्षा घरीच पदार्थ बनविण्याकडे जास्त कल आहे. गोडे/खारे शंकरपाळे तर आपण नेहमीच घरी करतो, परंतू यंदा मात्र बदल म्हणून ‘पालकाचे खारे शंकरपाळे ‘बनवून पहा. तांबूस,पोपटी रंगाचे व खमंग खुसखूषीत असे शंकरपाळे छानच लागतात. असे कुठे आहे की दरवर्षी दिवाळीला एकच प्रकारचे पारंपारीक पदार्थ बनवावेत यावर्षी पालक शंकरपाळे करून बघा.

अवघ्या काहीच दिवसांवर दिवाळी आली आहे. यंदा कोरोनामुळे घरातली महिला मंडळींचा बाहेरच्या पेक्षा घरीच पदार्थ बनविण्याकडे जास्त कल आहे. गोडे/खारे शंकरपाळे तर आपण नेहमीच घरी करतो, परंतू यंदा मात्र बदल म्हणून ‘पालकाचे खारे शंकरपाळे ‘बनवून पहा. तांबूस,पोपटी रंगाचे व खमंग खुसखूषीत असे शंकरपाळे छानच लागतात. असे कुठे आहे की दरवर्षी दिवाळीला एकच प्रकारचे पारंपारीक पदार्थ बनवावेत यावर्षी पालक शंकरपाळे करून बघा. तुम्हाला आणि तुमच्या घरच्यांनाही हा नवीन पदार्थ नक्की आवडेल.

साहीत्य :-

मैदा २ वाट्या
रवा १/४ वाटी
पालक प्यूरी १/२ वाटी ( कमी-अधिक होऊ शकते)
मोहन २ टीस्पून
मीठ चविनूसार
हिरवी मिरची पेस्ट १ टीस्पून
ओवा १/४ टीस्पून
धना-जीरा पावडर १ टीस्पून
हींग चिमूटभर, तिळ ऐच्छिक
तळणीसाठी तेल

कृती :-
प्रथम मैदा चाळून एका पसरट भांड्यात घ्या. त्यामधे रवा व वरील इतर सर्व कोरडे साहीत्य घालून नीट मिक्स करा. आता मोहन घाला. परत मिश्रण हाताने नीट सगळीकडे चोळून घ्या. आता शेवटी पालक प्यूरी अंदाज घेऊन बघत बघत मिश्रणात घालावी. पुरीच्या किवा नेहमी शंकरपाळ्या करतो, त्या कणकेप्रमाणे घट्ट कणिक मळावी. पंधरा मिनिट झाकून ठेवा. पंधरा मिनिटानंतर तयार कणकेची पोळी लाटावी. फार जाड अथवा पातळ नको. सुरीने अथवा पिझ्झा कटरने चौकोनी तुकडे कापून गरम तेलात खरपूस तळा. खुसखूषीत कलरफूल खारे शंकरपाळे तयार ! थंड झाल्यावर हवाबंद डब्यात भरून ठेवा. केव्हाही नुसते किवा चहासोबत खा.