डेंग्यूचे डास दिवसाच चावतात. जेव्हा ताप येतो तेव्हा रुग्णाला त्याच्या हाडांमध्ये तीव्र वेदना होतात. योग्य वेळी उपचार न मिळाल्यास डेंग्यू धोकादायक ठरू शकतो.
डेंग्यू टाळण्यासाठी घ्यावयाची खबरदारी : सध्या अनेकांना डेंग्यू होत आहे असे बऱ्याच जणांच्या कानावर आले असेल काही जणांना तर डेंग्यू झाला सुद्धा असेल. डेंग्यू हा एक धोकादायक आजार आहे, जो गंभीर असू शकतो. एडिस डास डेंग्यूच्या रुग्णाला चावल्यानंतर डेंग्यूचे विषाणू डासाच्या शरीरात प्रवेश करतात. जर तोच डास दुसऱ्या व्यक्तीला चावला तर व्यक्तीलाही डेंग्यूची लागण होण्याची शक्यता आहे. सध्या देशभरामध्ये दिवसेंदिवस डेंग्यूचा कहर वाढत चालला आहे. रुग्णालयाबाहेर डेंग्यूच्या रुग्णांची रांग लागली आहे. डेंग्यूच्या डासांपासून सावध राहण्याचा सल्लाही डॉक्टर देत आहेत. डेंग्यूच्या तापाला सामान्यतः हाडे मोडणारा ताप असेही म्हणतात.
अनेकांना प्रश्न असतात की डेंग्यू शिंकण्याने किंवा हात मिळवल्याने पसरतो? डेंग्यूबद्दल लोकांमध्ये अनेकदा संभ्रम असतो. या आजाराबाबत अनेकांच्या मनात अनेक प्रश्न आहेत. अशा स्थितीत डेंग्यूबाबत काही गैरसमज आहेत. काही लोकांना असे वाटते की डेंग्यू शिंकण्याने आणि हात लावल्याने पसरतो, परंतु तसे नाही. डेंग्यूचा प्रसार एडिस नावाच्या डासाच्या चावण्याने होतो. हा डास अस्वच्छ पाण्यातच पैदास करतो. डेंग्यूचे डास दिवसाच चावतात. जेव्हा ताप येतो तेव्हा रुग्णाला त्याच्या हाडांमध्ये तीव्र वेदना होतात. योग्य वेळी उपचार न मिळाल्यास डेंग्यू धोकादायक ठरू शकतो.
डेंग्यू टाळण्यासाठी घ्यावयाची खबरदारी
– तुमच्या घराच्या सर्व खिडक्या आणि दरवाजे बंद ठेवा जेणेकरून डास घरात प्रवेश करू शकत नाहीत.
– कोणत्याही भांड्यात जास्त वेळ पाणी ठेवू नका, अन्यथा डासांची पैदास सुरू होते, पाणी नियमित बदलत राहा.
– पावसाळ्यात पूर्ण बाह्यांचे कपडे घाला.
– तुम्ही मच्छरदाणी देखील वापरू शकता
– जर तुम्हाला डेंग्यू झाला असेल तर तुमच्या डॉक्टरांशी संपर्क साधा आणि भरपूर पाणी प्या.
– भरपूर नारळ पाणी, भाज्या आणि फळांचे रस सेवन करा.
– घराच्या आजूबाजूला साचलेले पाणी असल्यास ते कोरडे करा किंवा त्यावर रॉकेल ओतून टाका.
– घराभोवती स्वच्छतेची विशेष काळजी घ्या
– ताप आल्यास फक्त पॅरासिटामॉल आणि द्रव घ्या
Loading ...