‘या’ प्रसिद्ध मंदिरातील शिवलिंगाचा तीन वेळा रंग बदलला, पाहून व्हाल थक्क

भारतात अशी अनेक मंदिरे आहेत, जिथे काहीतरी रहस्य असते. तसेच, तेथील हीच रहस्ये अनेक शतकांपासून लोकांना आकर्षित करत आहेत. असेच एक अनोखे मंदिर राजस्थानच्या धौलपूरमध्ये आहे

    भारतात अशी अनेक मंदिरे आहेत, जिथे काहीतरी रहस्य असते. तसेच, तेथील हीच रहस्ये अनेक शतकांपासून लोकांना आकर्षित करत आहेत. असेच एक अनोखे मंदिर राजस्थानच्या धौलपूरमध्ये आहे.याबद्दल ऐकून सर्वांनाच धक्का बसतो. वास्तविक या मंदिरात बसवलेले शिवलिंग दिवसातून तीन वेळा रंग बदलते. चंबळ नदीच्या खोऱ्यात वसलेल्या या शिवमंदिराला लोक ‘अचलेश्वर महादेव’ मंदिर म्हणून ओळखतात. मंदिर ओबडधोबड असल्याने येथे पूर्वी कमी लोक येत असत, परंतु हळूहळू मंदिराची माहिती मिळताच येथे भाविक येऊ लागले, श्रावण महिन्यात येथे विशेष पूजा असते.
    शिवलिंग दिवसभरात तीनदा रंग बदलते
    असे म्हणतात की हे शिवलिंग दिवसातून तीन वेळा रंग बदलते. सकाळी लाल, दुपारी भगवा आणि रात्री गडद होतो. शिवलिंगाचा रंग बदलण्यामागील कारण काय? हे कोणालाच माहीत नाही. अशा प्रकारे शिवलिंगाचा रंग बदलण्याचे कारण शास्त्रज्ञांनाही समजू शकलेले नाही. या महादेवाच्या मंदिरात भाविकांची नेहमीच गर्दी असते, परंतु श्रावण महिन्यातच शिवलिंगाचा रंग बदलणे हे अत्यंत आश्चर्यकारक मानले जाते.
     मनोकामना पूर्ण होते 
    या मंदिराशी लोकांची श्रद्धा अशी जोडलेली आहे की, येथे दररोज मोठ्या संख्येने भाविकांची वर्दळ असते. शिवलिंगाच्या दर्शनानेच मनुष्याच्या सर्व मनोकामना पूर्ण होतात असे मानले जाते. जीवनात कोणत्याही प्रकारची समस्या असल्यास, येथे भेट देऊन तुमची प्रत्येक समस्या दूर होईल. एवढेच नाही तर अविवाहित मुला-मुलींना शिवलिंगाच्या दर्शनाने त्यांचा आवडता वर मिळतो, अशी लोकांची श्रद्धा आहे. यामुळेच अविवाहित लोक 16 सोमवारी येथे जल अर्पण करण्यासाठी येतात. यासोबतच शिवाच्या कृपेने विवाहातील अडथळे दूर होतात, असे  येथील भक्ताचा विश्वास आहे.
    रहस्यमयी अचलेश्वर महादेव मंदिर 
    ढोलपूरपासून पाच किलोमीटर अंतरावर चंबळ नदीच्या काठावर असलेल्या दऱ्याखोऱ्यात असलेले अचलेश्वर महादेव मंदिर किती जुने आहे, या शिवलिंगाची स्थापना केव्हा झाली, याची कोणतीही माहिती उपलब्ध नाही. पण भक्तांच्या म्हणण्यानुसार हे मंदिर  सुमारे एक हजार वर्षे जुने असल्याचे सांगितले जाते. शिवलिंग पृथ्वीत किती खोल आहे हे जाणून घेण्यासाठी एकदा उत्खननही करण्यात आले. अनेक दिवस खोदकाम करूनही लोक शेवटपर्यंत पोहोचू शकले नाहीत, त्यानंतर खोदकाम बंद करण्यात आले. आजपर्यंत या शिवलिंगाच्या खोलीचा अंदाज आलेला नाही. शिवलिंगाचे उत्खनन प्राचीन काळी राजे-सम्राटांनीही केले होते, परंतु शिवलिंगाचा शेवट न झाल्यामुळे उत्खनन थांबविण्यात आले.