साप्ताहीक राशीभविष्य; तूळ राशीला मिळू शकते नोकरीत बदली, पाहा कसा असेल तुमचा हा आठवडा

    मेष (Arise) :

    या सप्ताहात अचानक प्रवासाचा योग येऊ शकतो. मित्रांच्या संगतीत अनावश्यक फिरस्ती, मौजमजेसाठी भटकंती करणे टाळणे योग्य ठरेल. एखादे लॉटरीचे तिकीट घेऊन पाहण्यास हरकत नाही. हितचिंतकांनी दिलेला सल्ला ऐकणे योग्य ठरेल. नोकरीत कदाचित बदली होऊ शकते. नवीन जबाबदारी अंगावर पडेल असे दिसते. काही लोक नोकरीत तुमच्या डोक्याला वैताग आणतील.

     

    वृषभ (Taurus) :

    आर्थिक आवक अतिशय उत्तम राहील. विविध मार्गांनी धनप्राप्ती होईल. अडचणींचे निराकरण करण्यात आपण यशस्वी व्हाल. महत्वाचे काम पूर्वार्धात उरकून घेतलेले बरे. घरी राहणे होणार नाही. या सप्ताहात आपण थोडे तारतम्याने वागणे आवश्यक आहे. वाहवत जाऊ नये. घरातील सदस्यांच्या आरोग्याची काळजी घ्यावी. जमिनीच्या व्यवहारात फायदा होईल. मनासारखे सौदे होतील.

     

    मिथुन (Gemini):

    या सप्ताहात आपली दगदग होईल. आर्थिक व्यवहार सांभाळून करा. बेपर्वाई नको. आर्थिक गुंतवणूक, मालाची विक्री वगैरे फसव्या योजनांपासून सावध राहा. मोबाईलवरून तुमचे बँक खाते. क्रेडिट कार्डची माहिती, पिन नंबर, ओटीपी, पासवर्ड, गोपनीय माहिती कुणाला देऊ नका. कुणाशी भांडण उकरून काढू नका. वैमनस्य निर्माण होईल असे बोलू नका, काहींना अचानक धनलाभ होईल.

     

    कर्क (Cancer):

    अचानक मोठी संधी चालून येईल. सकारात्मक अनुभव येतील. प्रेमात असाल तर पूर्णत्वास जाईल. आरोग्याची काळजी घ्या. काहीना कामानिमित्त प्रवास घडून येतील. काही पर्यटनास जातील. नोकरीत कदाचित बदली होऊ शकते. प्रकल्प सुरू करण्यात येतील. कागदोपत्री पूर्तता योग्य होत आहे की नाही खात्री करूनच सह्या करा.

     

    सिंह (Leo):

    घरात खेळीमेळीचे वातावरण राहील. मात्र, खाण्या-पिण्याकडे लक्ष द्या. चमचमीत पदार्थावर एकदम आडवा हात मारू नका. घरात नवीन वस्तू खरेदी कराल. नोकरीत अनुकूल परिस्थिती राहील. मुलांशी संवाद साधा. वादविवाद टाळणे चांगले राहील. जीवनसाथीशी किरकोळ कारणावरून कुरबूर होईल. तरुणांनी कायद्याची बंधने पाळणे आवश्यक आहे. वेळ वाया न घालवता योग्य मार्गदर्शन घेणे आवश्यक आहे.

     

    कन्या (Virgo):

    मुलांना अपेक्षित संधी मिळतील. मात्र किरकोळ कारणावरून गैरसमज होईल. आरोग्याची काळजी घ्या. प्रवास शक्यतो टाळा. घरातील सदस्यांच्या आरोग्याची काळजी घ्या. अडचणी येतील; मात्र आपण समर्थपणे त्यांचे निराकरण करण्यात यशस्वी व्हाल. गृहसौख्य चांगले राहील. मात्र, एखाद्या सदस्याला तुमचे म्हणणे पटणार नाही. थोडे सबुरीने वागण्याची गरज आहे.

     

    तूळ (Libra):

    थोडे संयमाने वागणे आवश्यक आहे. अनोळखी लोकांशी सावधपणे व्यवहार करा. ‘सोशल मीडिया’चर जपून प्रतिक्रिया द्या. नोकरीत बदली होऊ शकते. मुलांच्या मनातील भावना समजून घ्या. त्यांची काळजी घ्या. कुणाला स्वत:हून खेटू नका. कायद्याची बंधने पाळा. वाहने जपून चालवा. वेगावर नियंत्रण ठेवणे आवश्यक आहे. व्यवसायात विक्री जोरात होईल.

     

    वृश्चिक (Scorpio):

    अधिकारी वर्गाचे सहकार्य मिळेल. महत्त्वाची कामे मार्गी लागतील. विद्यार्थ्यांना उल्लेखनीय कामगिरी करता येईल. घरात आनंदी वातावरण राहील. व्यवसायात चढ-उतार सुरू राहील. नोकरीत एकंदरीत चांगली परिस्थिती राहील. जीवनसाथी चांगली साथ देईल. मात्र जुने वाद उकरून काढू नका.

     

    धनु (Sagittarius):

    मन प्रसन्न राहील. कामात उत्साह राहील. नोकरीत बदलीची शक्यता आहे. व्यवसायात अंदाज चुकू शकतात. आर्थिक व्यवहार जपून करा. उसने पैसे देताना विचार करून निर्णय घ्या. घरात मतभेदांचे प्रसंग येतील. तुम्ही जे निर्णय घ्याल, ते पटतीलच असे नाही. त्यामुळे मन खट्ट होईल. घरी पाहुणे येतील. त्यामुळे थोडी लगबग राहील.

     

    मकर (Capricorn):

    कुठेही पैसे गुंतवून टाकू नका. चार आण्याचा यद्यासाठी बारा आण्यांचे नुकसान होईल असे व्यवहार करू नका. वाहने कमी वेगाने चालवा. खर्चाला आवर घातला पाहिजे. जमिनीच्या व्यवहारात सावधानता बाळगा. तरुण वर्गाने चांगल्या मित्रांबरोबर ऊठबस करावी. सोशल मीडियावर जास्त वेळ वाया घालवू नये.

     

    कुंभ (Aquarius):

    नोकरीत अनुकूल परिस्थिती राहील. सरकारी कामे मार्गी लागतील. खर्चाचे प्रमाण वाढेल. नवीन नोकरीच्या शोधात असाल तर संधी मिळेल. एखादा धाडसी निर्णय घ्याल. महत्वाचा निर्णय घेताना जीवनसाथीचा अवश्य सल्ला घ्या. आपले सगळे व्यवहार इतरांना सांगू नका.

     

    मीन (Pisces):

    जमिनीच्या व्यवहारात यश मिळेल. मनासारखे भोजन मिळेल. जवळच्या लोकांशी हातचे राखून बोला. मनातील सगळे काही बोलून टाकू नका. मोठ्या खुबीने आपण अडचणींतून मार्ग काढाल. महत्त्वाची कागदपत्रे सांभाळून ठेवा. ऐनवेळी महत्त्वाची वस्तू किंवा कागदपत्रे सापडणार नाहीत. तारांबळ उडेल. त्यामुळे नियोजनपूर्वक काम करावे.