जागृती आयएएस होण्यासाठी अभियांत्रिकी सोडून गेली, तेव्हा तिचे पालकही तिच्या पाठीमागे ठामपणे उभे राहिले. आईने आपल्या मुलीला मदत करण्यासाठी शिक्षिकेची नोकरी सोडली तेव्हा चार वर्षे घरी टीव्हीसुद्धा चालू नव्हता. हे सर्व बलिदान जागृतीला पुढे जाण्यासाठी प्रेरणा देत राहिले.
‘अगं, ऐकलंस का कलेक्टर बनून आपली जागू संपूर्ण देशात चमकली आहे’, असे अभिमानाने सांगत जागृतीच्या काकांनी जागृती देशात दुसरी आल्याची आनंदवार्ता संपूर्ण गावाला सांगितली आणि बघता बघता अभिनंदन देणाऱ्यांची जणू रांगच लागली. तोंड गोड होऊ लागले. जागृती अवस्थी युपीएसीच्या परीक्षेत दुसरी आल्याबद्दलचे कौतुक होते. केंद्रीय लोकसेवा आयोगाने नागरी सेवा परीक्षा 2020 चा अंतिम निकाल जाहीर झाला होता. निकालानंतर मुलींनी वर्चस्व गाजवले. एकूण 761 यशस्वी उमेदवारांपैकी 216 मुलींनी झेंडा रोवला.
यामध्ये बिहारच्या शुभम कुमारला पहिले स्थान मिळाले पण भोपाळच्या जागृती अवस्थीला ऑल इंडिया रँकिंगमध्ये (एआयआर) दुसरे स्थान मिळाले. महिला उमेदवारांमध्ये जागृती अवस्थी अव्वल आहे. जागृती एक पर्यायी विषय म्हणून समाजशास्त्रासह परीक्षा उत्तीर्ण झाली. तिचे यश अनेक प्रकारे विशेष आहे. जागृती आणि तिच्या पालकांनी आयएएस होण्यासाठी अनेक त्याग केले. जागृतीने युपीएससी उत्तीर्ण करण्यासाठी इंजिनीअरची नोकरी सोडली, तर तिच्या पालकांनी चार वर्षे टीव्ही पाहिला नाही. 24 वर्षीय जागृती अवस्थी भोपाळची रहिवासी आहे. त्याच्या कुटुंबात त्याचे आईवडील आणि एक भाऊ आहेत. जागृतीचे वडील एस. सी. अवस्थी व्यवसायाने होमिओपॅथ आहेत.
‘भेल’मधील नोकरी सोडली
– जागृती अवस्थीचे शिक्षण जागृती अवस्थीने मौलाना आझाद नॅशनल इन्स्टिट्यूट ऑफ टेक्नॉलॉजी, भोपाळ येथून बी.टेक (इलेक्ट्रिकल इंजिनीअरिंग) मध्ये पदवी प्राप्त केली आहे.
– 2016 मध्ये जागृतीने इलेक्ट्रिकल इंजिनीअरिंगची पदवी मिळवली होती. त्यानंतर जागृती गेट परीक्षेत बसली आणि त्यात यश मिळवल्यानंतर भेलमध्ये तांत्रिक अधिकारी म्हणून काम करण्यास सुरुवात केली.
– नागरी सेवेत रुजू होण्याचे जागृतचे स्वप्न असले तरी जागृतीने युपीएससीची तयारी सुरू केली आणि दोन वर्षांनंतर इंजिनीअरची नोकरी सोडली.
– 2019 मध्ये जागृतीने अधिकारी होण्याचे स्वप्न पूर्ण करण्याचा निर्णय घेतला आणि दिल्लीतील कोचिंग इन्स्टिट्यूटमध्ये प्रवेश घेतला. तथापि, कोरोना संकट आणि लॉकडाऊन दरम्यान तिला भोपाळला परत जावे लागले. पण अभ्यास थांबला नाही. जागृतीने ऑनलाईन क्लासेस केले.
४ वर्षे पाहिला नाही ‘टीव्ही’
जागृती आयएएस होण्यासाठी अभियांत्रिकी सोडून गेली, तेव्हा तिचे पालकही तिच्या पाठीमागे ठामपणे उभे राहिले. आईने आपल्या मुलीला मदत करण्यासाठी शिक्षिकेची नोकरी सोडली तेव्हा चार वर्षे घरी टीव्हीसुद्धा चालू नव्हता. हे सर्व बलिदान जागृतीला पुढे जाण्यासाठी प्रेरणा देत राहिले. पहिल्या प्रयत्नात जागृती प्रीलिम्सही पास करू शकली नाही; पण तिने ठरवले आणि दुसऱ्या प्रयत्नात ती टॉपर झाली. अनेकांना प्रेरणा देणारी जागृती एखाद्या प्रयत्नामध्ये नाही झाले तर मागे वळून न बघता आपल्या चुकांना शोधा व त्या चुका सुधारा आणि त्यानुसार वागा. येणाऱ्या प्रयत्नांवरती लक्ष केंद्रित करा. एक दिवस नक्कीच तुमचा असेल, असाच संदेश देते.