प्रतिकात्मक फोटो
प्रतिकात्मक फोटो

हंगाम २०२१-२२ मधील कापूस खरेदी नियोजनाबाबत सहकार व पणन मंत्री पाटील यांच्या अध्यक्षतेखाली मंत्रालयात आढावा बैठक(Meeting In Mantralaya For Cotton Buying) झाली.

    मुंबई : राज्यातील हंगाम २०२१-२२ मधील कापूस खरेदीचे योग्य नियोजन(Planning For Buying Cotton) करून शेतकरी हितासाठी(Farmers Benefit) कापूस खरेदीला नोव्हेंबरच्या पहिल्या आठवड्यात सुरुवात करावी त्यासाठी आवश्यक त्या उपाययोजना कराव्यात, अशा सूचना सहकार व पणन मंत्री बाळासाहेब पाटील( Instructions By Balasaheb Patil) यांनी दिल्या. हंगाम २०२१-२२ मधील कापूस खरेदी नियोजनाबाबत सहकार व पणन मंत्री पाटील यांच्या अध्यक्षतेखाली मंत्रालयात आढावा बैठक(Meeting In Mantralaya For Cotton Buying) झाली.

    cotton graphic

    राज्यात ८०-८५ लाख गाठी उत्पन्न अपेक्षित
    राज्यात खरीप हंगाम २०२१-२२मध्ये ३९.३७ लाख हेक्टरवर कापसाचा पेरा झालेला आहे. मागील वर्षी ४२.०८ लाख हेक्टरवर कापसाचा पेरा झालेला होता. यावर्षी कापूस  पेरा  ६.४४ टक्के घटला असली तरी सद्यस्थितीत कापूस पिकाची परिस्थिती समाधानकारक आहे. त्यानुसार राज्यात ८०-८५ लाख गाठी एवढे उत्पन्न अपेक्षित आहे. त्यानुसार योग्य नियोजन करून खरेदीकेंद्र नोव्हेंबरमध्ये सुरू करण्यासाठी सर्व यंत्रणा कार्यरत करावी आणि या केंद्रावर सीसीटीव्ही कॅमेरा बसविण्यात यावेत, असेही पाटील यांनी यावेळी सांगितले.

    सर्वाधिक कापूस पेऱ्याच्या तालुक्यात प्रत्यक्ष खरेदी लवकर
    ज्या तालुक्यात सर्वाधिक कापूसपेरा आहे तिथे प्रत्यक्ष खरेदी लवकर सुरू करण्यासाठीचे नियोजन करावे. शेतकऱ्यांच्या हितासाठी योग्य नियोजन करून कापूस खरेदी करावी, असेही पाटील यांनी यावेळी सांगितले. या बैठकीला सहकार व पणन विभागाचे प्रधान सचिव अनुप कुमार, सहकारी कापूस पणन महासंघाचे व्यवस्थापकीय संचालक अरुण उन्हाळे, महाराष्ट्र राज्य कृषि पणन मंडळाचे संचालक सतीश सोनी, सीसीआयचे जनरल मॅनेजर अतुल काला, संजय पाणीग्रही व संबंधित अधिकारी उपस्थित होते.