अहमदनगर जिल्ह्यातून एक धक्कादायक माहिती समोर आली आहे. एका तरूणाला झाडाला बांधून त्याच्यासोबत अमानुष कृत्य करण्यात आले आहे. शेळी चोरीच्या संशयातून (Crime in Ahmednagar) ही घटना घडली.
अहमदनगर : अहमदनगर जिल्ह्यातून एक धक्कादायक माहिती समोर आली आहे. एका तरूणाला झाडाला बांधून त्याच्यासोबत अमानुष कृत्य करण्यात आले आहे. शेळी चोरीच्या संशयातून (Crime in Ahmednagar) ही घटना घडली असून, आरोपींविरोधात गुन्हा दाखल करण्याची मागणी करण्यात येत आहे. श्रीरामपूर तालुक्यातील हरेगाव (Haregaon) येथे ही घटना घडली आहे.
शेळी आणि कबुतर चोरल्याचा संशय या दलित तरुणांवर होता. त्यानंतर त्यांना घरातून उचलून नेत झाडाला उलटे लटकावून त्यांच्यासोबत अमानुष कृत्य करण्यात आल्याची माहिती पीडितांच्या कुटुंबियांनी दिली आहे. मारहाणीमध्ये शुभम वाघाडे, कुणाल मगर, ओम गायकवाड आणि खंडागळे हे तरूण जबर जखमी झाले आहेत. त्यांना शिरापूर येथील हॉस्पिटमध्ये दाखल करण्यात आले आहे.
दरम्यान, याप्रकरणी दलित संघटनांनी आवाज उठवायला सुरूवात केली असून, आरोपींचा तपास पोलिस घेत आहेत. तर या घटनेचा व्हिडिओ सोशल मीडियावर व्हायरल झाला आहे. त्यामध्ये तरूणांना झाडाला उलटं लटकावलेलं दिसत आहे. या घटनेनंतर अनेकांकडून संताप व्यक्त केला जात आहे.
Loading ...