डोंबिवलीत घरात काम करणारी मोलकरीण निघाली चोर

विचारपूस करताना पोलिसांच्या लक्षात आले की, साक्षी हिच्या जबाबात तफावत आहे. पोलिसांनी तिची कसून चौकशी केली असता ही माहिती समोर आली की, तिने घरातील ऐवज लंपास केला आहे.

    डोंबिवली : डोंबिवलीत घरात काम करणाऱ्या एका मोलकरणीने घरातील जवळपास पाच लाखांचा ऐवज चोरी केल्या प्रकरणी रामनगर पोलिसांनी साक्षी मोरे नावाच्या या मोलकरणीस अटक केली आहे.

    डोंबिवली पूर्वेतील सृष्टी सुदामा या इमारत राहणाऱ्या राजेश सोमवंशी या वयोवृद्धाने रामनगर पोलीस ठाण्यात तक्रार दिली होती की, १९ डिसेंबर रोजी त्यांच्या घरातील कपाटातून सोन्याची घड्याल आणि रोख रक्कम चोरीस गेली आहे. रामनगर पोलीस ठाण्याचे वरिष्ट पोलीस निरिक्षक नितीन गीते यांच्या मार्गदर्शनखाली पोलिसांनी तपास सुुरु केला.

    या तपासा दरम्यान पोलिसांनी घरात काम करणारी मोलकरीण साक्षी मोरे हीची विचारपूस केली. विचारपूस करताना पोलिसांच्या लक्षात आले की, साक्षी हिच्या जबाबात तफावत आहे. पोलिसांनी तिची कसून चौकशी केली असता ही माहिती समोर आली की, तिने घरातील ऐवज लंपास केला आहे. रामनगर पोलिसानी साक्षी मोरेला अटक करुन पुढील तपास सुरु केला आहे.