गॅझेटेड अधिकारी असल्याचे सांगत तसेच परीक्षा न देता पोलीस भरती करण्याचे आश्वासन देऊन एका महिलेवर लैंगिक अत्याचार केल्याची घटना वानवडी येथील एका अ‍ॅकॅडमीत घडली. याप्रकरणी अ‍ॅकॅडमी चालकावर गुन्हा नोंद करण्यात आला आहे.
पुणे : गॅझेटेड अधिकारी असल्याचे सांगत तसेच परीक्षा न देता पोलीस भरती करण्याचे आश्वासन देऊन एका महिलेवर लैंगिक अत्याचार केल्याची घटना वानवडी येथील एका अ‍ॅकॅडमीत घडली. याप्रकरणी अ‍ॅकॅडमी चालकावर गुन्हा नोंद करण्यात आला आहे.
हा प्रकार २ ऑगस्ट २०२३ ते ऑक्टोबर २०२३ दरम्यान घडला आहे. याप्रकरणी ३१ वर्षीय महिलेने वानवडी पोलीस ठाण्यात तक्रार दिली आहे. त्यानुसार अक्षय चंद्रशेखर प्रधान (वय २७, रा. सय्यदनगर, मोहम्मदवाडी, हडपसर) याच्यावर गुन्हा दाखल केला आहे.
पोलिसांनी दिलेल्या माहितीनुसार, अक्षय प्रधानची वानवडी येथे अजिंक्य अ‍ॅकॅडमी आहे. त्याने तक्रारदारांना गॅझेटेड अधिकारी असल्याचे सांगत परीक्षा न देत पोलीस भरती करतो असे आश्वासन दिले. अ‍ॅकॅडमीत बोलावून घेत त्यांने रिलेशन शिपमध्ये राहु असे सांगितले. तसेच, जबरदस्तीने शारीरिक संबंध प्रस्थापित केले. याबाबत कोणाला सांगितले तर पोलीस भरती करणार नाही अशी धमकी दिली. तसेच त्यांच्याकडून १ लाख ३० रुपये तसेच १४ हजार ५०० रुपयांचा सॅमसंग फोन, ५९ हजार रुपयांचा आयफोन घेतला.
मुला-मुलींचे पोलीस भरती झाल्याबाबत सत्कार केल्याचे फोटो दाखवून भरती करण्याच्या नावाखाली इतरांकडून पैसे उकळले. प्रत्यक्षात त्याने एकाही मुलाची किंवा मुलीची पोलीस दलात भरती केली नसून त्याने अनेकांची फसवणूक केल्याचे तक्रारीत नमूद केले आहे. पुढील तपास वानवडी पोलीस करीत आहेत.
Loading ...