संग्रहित फोटो
संग्रहित फोटो

जुन्या वादातून भररस्त्यात चॉपरने वार करून तरुणाला गंभीर जखमी केल्याची घटना मालेगाव शहरातील (Crime in Malegaon) संविधान नगर येथे घडली. याप्रकरणी वडनेर खाकुर्डी पोलीस ठाण्यात तिघा संशयितांवर गुन्हा दाखल करण्यात आला असून, हल्ल्याची घटना सीसीटीव्ही कॅमेऱ्यात कैद झाली आहे.

    मालेगाव : जुन्या वादातून भररस्त्यात चॉपरने वार करून तरुणाला गंभीर जखमी केल्याची घटना मालेगाव शहरातील (Crime in Malegaon) संविधान नगर येथे घडली. याप्रकरणी वडनेर खाकुर्डी पोलीस ठाण्यात तिघा संशयितांवर गुन्हा दाखल करण्यात आला असून, हल्ल्याची घटना सीसीटीव्ही कॅमेऱ्यात कैद झाली आहे.

    सुमित उद्धव तरवटे असे हल्ला झालेल्या तरुणाचे नाव आहे. या हल्ल्यात सुमित गंभीर जखमी झाला असून, त्याला उपचारासाठी रुग्णालयात दाखल करण्यात आले आहे. या घटनेमुळे परिसरात एकच खळबळ उडाली आहे. दरम्यान, समस्त लाड शाखीय वाणी समाजातर्फे अप्पर पोलीस अधीक्षक अनिकेत भारती यांना निवेदन देऊन कलम ३०७ लावून योग्य ती कारवाई करण्याची मागणी करण्यात आली आहे.

    सुमित हा त्याचे दोन मित्र रविंद्र भावसान आणि ललित तुषार पवार यांच्यासोबत बाईकवरुन संविधान नगर येथील अंबर नामक डेअरीवर गेला होता. यावेळी एक तरुण स्कूटीवरुन आला. त्याने आधी स्कूटीला मागून धडक दिली व त्याने सुमित कोण आहे ? अशी विचारणा केली. यानंतर सुमितकडे येऊन ‘का रे तू जास्त करतो का? तू त्या साजिदचे नाव का घेतले?’ असे म्हणत त्यातील एका संशयिताने शिवीगाळ करत सुमितवर चॉपरने हल्ला केला. तसेच तुझ्यावर ‘अॅट्रॉसिटीचा गुन्हा दाखल करू, तुला मारून टाकू’, अशी सुमितला धमकी दिली. या प्रकरणी संशयित तीन जणांवर वडनेर खाकुर्डी पोलीस ठाण्यात गुन्हा दाखल करण्यात आला.

    काय आहे प्रकरण?

    साजिद नावाच्या एका तरुणाने त्याच्या मोबाईलवर १५ ऑगस्ट रोजी टिपू सुलतानचे स्टेट्स ठेवले होते. याबाबत सुमितने साजिदला विचारणा केली होती. याचा साजिदच्या मित्राला राग आल्याने त्याने सुमितवर हल्ला केला.