भेसळयुक्त तूप बनवून त्याची बाजारात विक्री करत असलेल्या रॅकेटचा चतुःश्रुंगी पोलिसांनी पर्दाफाश केला. पाषाणमधील एकनाथनगर भागात ही छापा कारवाई करण्यात आली असून, येथून एकाला ताब्यात घेतले आहे.
पुणे : भेसळयुक्त तूप बनवून त्याची बाजारात विक्री करत असलेल्या रॅकेटचा चतुःश्रुंगी पोलिसांनी पर्दाफाश केला. पाषाणमधील एकनाथनगर भागात ही छापा कारवाई करण्यात आली असून, येथून एकाला ताब्यात घेतले आहे. तसेच, तब्बल सातशे किलो भेसळयुक्त बनावट तुप जप्प्त केले आहे. कारवाईत पोलिसांनी पाच लाखांचा मुद्देमाल जप्त केला आहे.
सांगसिंग तेजसिंग राजपूत (३८, रा. बुधवार पेठ, मूळ. रा. राजस्थान) असे ताब्यात घेण्यात आलेल्याचे नाव आहे. याप्रकरणी चतु:श्रृंगी पोलीस ठाण्यात गुन्हा नोंद करण्यात आला आहे. वरिष्ठ पोलीस निरीक्षक बालाजी पांढरे, गुन्हे निरीक्षक अंकुश चिंतामण, जगन्नाथ जाणकर यांच्या मार्गदर्शनाखाली सहायक निरीक्षक नरेंद्र पाटील, उपनिरीक्षक रुपेश चाळके यांच्या पथकाने ही कामगिरी केली.
आरोपींनी पाषाण भागात पत्र्याच्या शेडमध्ये छोटा कारखानाच उभा केलेला होता. याठिकाणी विविध मशीनच्या सहय्याने आरोपी बनावट तूप तयार करून त्याची बाजारात विक्री करत होता. चतुःश्रुंगी पोलीस ठाण्याचे वरिष्ठ पोलीस निरीक्षक बालाजी पांढरे यांच्या मार्गदर्शनाखाली पथक हद्दीत गस्तीवर होते. या दरम्यान पाषाण भागात एकजण पत्र्याच्या शेडमध्ये तूप बनवित असल़्याची माहिती अंमलदार बाबा दांगडे, इरफान मोफीन यांना मिळाली. त्यानूसार पथकाने सापळा रचून संबंधीत ठिकाणी छापा टाकला असता हा प्रकार उघडकीस आला.
याठिकाणी मोठ्या प्रमाणात भेसळयुक्त तूप बनविले जाते. राजपूत हा आपल्या इतर सहकार्‍यांच्या मदतीने हे रॅकेट चालवित होता. चतुःश्रुंगी पोलिसांच्या सतर्कतेमुळे रॅकेटचा पर्दाफाश झाला. याबाबत पोलिसांनी अन्न व औषध प्रशासनाला माहिती दिली आहे. एफडीए प्रशासनाने फिर्याद दिल्यास पोलिसांकडून तात्काळ गुन्हा दाखल करून पुढील कार्यवाही करण्यात येणार आहे.
Loading ...