गणेश चतुर्थीला श्रीमंत दगडुशेठ हलवाई गणपती मंदिर (Shrimant Dagdusheth Halwai Ganapati Temple) परिसरात वाहतूक नियमन न करता दुचाकी अडवून तरुणांना दहा हजारांचा दंड भरण्यास सांगत त्यांना 500 रुपयांची मागणी करणाऱ्या पोलीस कर्मचाऱ्याचे पोलीस खात्यातून निलंबन (Police Suspended) करण्यात आले आहे.
पुणे : गणेश चतुर्थीला श्रीमंत दगडुशेठ हलवाई गणपती मंदिर (Shrimant Dagdusheth Halwai Ganapati Temple) परिसरात वाहतूक नियमन न करता दुचाकी अडवून तरुणांना दहा हजारांचा दंड भरण्यास सांगत त्यांना 500 रुपयांची मागणी करणाऱ्या पोलीस कर्मचाऱ्याचे पोलीस खात्यातून निलंबन (Police Suspended) करण्यात आले आहे. वाहतूक शाखेचे पोलीस उपायुक्त विजयकुमार मगर यांनी हे आदेश दिले आहेत. दरम्यान, गणेश चतुर्थीला दर्शनासाठी लाखो भाविक येतात. अशावेळी वाहतूक नियमन करण्याऐवजी वाहनचालकांना थांबवून त्यांना दंड भरण्यास सांगितले.
पोलीस नाईक अनिल कल्लाप्पा जामगे असे निलंबित केलेल्या कर्मचार्‍याचे नाव आहे. जामगे हे फरासखाना वाहतूक शाखेत कर्तव्यास आहेत. गणेश चतुर्थीच्या दिवशी (११ मार्च) जामगे यांची शिवाजी रोडवरील बुधवार चौकात नेमणूक होती. दोघे दुचाकीवर बुधवार चौकातील सिग्नलला थांबले होते. त्यावेळी जामगे यांनी त्यांना लायसन्सची विचारणा केली. लायसन्स नसल्याने विना लायसन्स वाहन चालविण्याकरीता ५ हजार रुपये दंड तसेच गाडीचे मालक दुसरे असल्याने चालक व मालक असे १० हजार रुपये दंड भरा, असे सांगितले. पैसे नसल्याने त्यांनी विनंती केली. त्यावेळी तक्रारदारांना ५०० रुपये रोख आणण्यास सांगितले. तक्रारदार हे एटीएममध्ये पैसे आणण्यास गेले. पण, त्यांच्याकडे एटीएम नसल्याने ते परत आले. त्यानंतर जामगे यांनी तक्रारदार यांची गाडी वाहतूक विभागात आणली.
बॉडी कॅमेरा वापरणे टाळले
स्वत:ची नेमप्लेट पाडून आपली ओळख लपविली. तत्पूर्वी वरिष्ठांना व पोलीस अंमलदारांना कारवाईदरम्यान बॉडी कॅमेरे वापरण्याबाबत आदेश दिले होते. परंतु, त्याने बॉडी कॅमेरा बाळगला नाही व दिलेल्या आदेशाचे पालन केले नाही. संकष्टी चतुर्थी असल्याने शिवाजी रोडवर मोठ्या प्रमाणावर भाविकांची गर्दी होती व त्यामुळे दगडुशेठ मंदिर व परिसरामध्ये मोठ्या प्रमाणात वाहतूक कोंडी होत होती. अशावेळी तक्रारदार यांची गाडी अडवून त्यांच्याशी चर्चा करण्यामध्ये विनाकारण वेळ वाया घालविला व नेमून दिलेल्या वाहतूक नियमानाचे कर्तव्याकडे दुर्लक्ष केले. यामुळे बेशिस्त बेजबाबदार वर्तन केल्याने अनिल जामगे यांना निलंबन केले.
Loading ...