मराठवाडा मुक्तीसंग्राम दिनानिमित्त आयोजित शासकीय कार्यक्रमासाठी नांदेडला आलेल्या पालकमंत्री गिरीष महाजन यांना सकल मराठा समाजाच्या रोषाला सामोरं जावं लागलं. गिरीष महाजन यांच्या ताफ्यासमोर सकल मराठा समाजाकडून घोषणाबाजी करण्यात आली.
नांदेड : मराठवाडा मुक्तीसंग्राम दिनानिमित्त आयोजित शासकीय कार्यक्रमासाठी नांदेडला आलेल्या पालकमंत्री गिरीष महाजन यांना सकल मराठा समाजाच्या रोषाला सामोरं जावं लागलं. गिरीष महाजन यांच्या ताफ्यासमोर सकल मराठा समाजाकडून घोषणाबाजी करण्यात आली.
गिरीष महाजन यांना काळे झेंडे दाखवून ‘पालकमंत्री चले जाव’च्या घोषणा देण्यात आल्या. मराठवाडा मुक्तीसंग्राम दिनानिमित्त आयोजित शासकीय कार्यक्रमासाठी पालकमंत्री गिरीष महाजन नांदेडला आले होते.
दरम्यान मराठवाडा मुक्तीदिनाच्या कार्यक्रमात लोकप्रतीनिधी आणि पालकमंत्र्यानी सहभागी होऊ नये, असा इशारा सकल मराठा समाजाकडून देण्यात आला होता. त्यानुसार कार्यक्रमस्थळाबाहेर मोठ्या प्रमाणावर समाजबांधव जमले होते. पालकमंत्र्यांचा ताफा येताच काळे झेंडे दाखवून घोषणाबाजी करण्यात आली. यावेळी पोलिसांनी आंदोलकांना ताब्यात घेतले.
लोकप्रतिनिधींविरुद्ध रोष
सरकारकडून अद्याप मराठा समाजाला आरक्षण देण्यात आलेले नाही. त्यामुळे मराठवाडा मुक्तिसंग्राम दिनी मंत्र्यांऐवजी प्रशासनाने ध्वजारोहण करावे, अशी मागणी मराठा समाजाकडून करण्यात आली होती. मंत्र्यांना ध्वजारोहण करू देणार नाही, असा इशाराही देण्यात आला होता. जिल्हाधिकारी अभिजित राऊत आणि जिल्हा पोलीस अधीक्षक श्रीकृष्ण कोकाटे यांच्या प्रमुख उपस्थितीत सकल मराठा समाज बांधवाची बैठक जिल्हाधिकारी कार्यालयात नुकतीच पार पडली होती. तयावेळी मराठा समाजातील अनेक बांधवांनी जिल्हाधिकारी यांना प्रशासन आणि समाज बांधवांमध्ये समन्वय आहे, तसा समन्वय लोकप्रतिनिधी आणि समाज बांधवांमध्ये नाही, त्यामुळे समाजात लोकप्रतिनिधींविरुद्ध प्रचंड रोष असल्याचे सांगितले होते.
पोलिसांचा बंदोबस्त
मराठवाडा मुक्ती संग्राम दिनाच्या अमृत महोत्सवी वर्षानिमित्त 17 सप्टेंबर रोजी होणाऱ्या ध्वजारोहणास पालकमंत्र्यांनी येऊ नये, आमचा त्यास विरोध राहील असा इशारा सकल मराठा समाजाने दिला होता. त्यामुळे या पार्श्वभूमीवर पोलिसांकडून कार्यक्रमाच्या स्थळी मोठा पोलिस बंदोबस्त तैनात करण्यात आला होता. तसेच, आंदोलनाची शक्यता लक्षात घेऊन पोलिसांकडून विशेष खबरदारी घेण्यात आली होती.
Loading ...