'माझ्यामुळेच जिल्हा आणि सहकार आहे, असा एकनाथ खडसेंचा (Eknath Khadse) गैरसमज होता. बँकेत, दूध संघात, विधानसभेत आणि जिल्ह्यातही मीच हा खडसेंचा अहमपणा जास्त होता. तो आता उतरला आहे. माणूस जास्त हवेत उडायला लागला, तर किती खाली जोरात आपटतो. यापेक्षा दुसरं उदाहरण असू शकत नाही''.
मुंबई : ”माझ्यामुळेच जिल्हा आणि सहकार आहे, असा एकनाथ खडसेंचा (Eknath Khadse) गैरसमज होता. बँकेत, दूध संघात, विधानसभेत आणि जिल्ह्यातही मीच हा खडसेंचा अहमपणा जास्त होता. तो आता उतरला आहे. माणूस जास्त हवेत उडायला लागला, तर किती खाली जोरात आपटतो. यापेक्षा दुसरं उदाहरण असू शकत नाही”, अशा शब्दांत भाजप नेते गिरीश महाजन (Girish Mahajan) यांनी राष्ट्रवादी काँग्रेसचे नेते एकनाथ खडसे यांच्यावर निशाणा साधला.
जळगाव जिल्हा बँकेची निवडणूक नुकतीच झाली. या निवडणुकीत राष्ट्रवादीचे संजय पवार यांनी बंडखोरी करत शिंदे गटाकडून अर्ज दाखल केला होता. यामध्ये त्यांचा विजय झाला. त्यानंतर आता महाजन यांनी खडसेंवर टीकास्र सोडले. ते म्हणाले, ‘दूधसंघाच्या निवडणुकीत खडसेंच्या पॅनेलचं कोणीच निवडून आलं नाही. मागील वर्षी जिल्हा बँकेच्या निवडणुकीवर भाजपाने बहिष्कार टाकला होता. तेव्हा खडसेंनी आमच्यावर टीकाटीप्पणी करत, मीच कसा बाहुबली आहे, हे दाखवलं होतं. आता वर्षानंतर झालेल्या निवडणुकीत भाजप आणि शिवसेनेनं त्यांना जागा दाखवली’.
स्वत:चा मतदारसंघ टिकवता आला नाही
खडसे भाजपमध्ये असताना म्हणायचे सर्व माझ्यामुळे आहे. पक्षातून बाहेर पडल्यानंतर स्वत:चा मतदारसंघ खडसेंना टिकवता आला नाही. तिथे ते निवडून येऊ शकत नाही. मुख्यमंत्रिपदाच्या शर्यतीत होते, आता कुठे येऊन पडलेत, असे त्यांनी म्हटले आहे.
…यापेक्षा दुसरं उदाहरण नाही
माझ्यामुळेच जिल्हा आणि सहकार आहे, असा खडसेंचा गैरसमज होता. बँकेत, दूध संघात, विधानसभेत आणि जिल्ह्यातही मीच हा खडसेंचा अहंमपणा जास्त होता. तो आता उतरला आहे. माणूस जास्त हवेत उडायला लागला, तर किती खाली जोरात आपटतो, यापेक्षा दुसरं उदाहरण असू शकत नाही, असेही महाजन यांनी सांगितले.
