पुणे शहरात वेगवेगळ्या भागात फ्लॅट फोडून चोरट्यांनी कपाटातील दागिने आणि रोकड असा चार लाख ३९ हजार रुपयांचा ऐवज चोरुन नेला. हडपसर आणि बिबवेवाडी भागात या घटना घडल्या आहेत.
पुणे : पुणे शहरात वेगवेगळ्या भागात फ्लॅट फोडून चोरट्यांनी कपाटातील दागिने आणि रोकड असा चार लाख ३९ हजार रुपयांचा ऐवज चोरुन नेला. हडपसर आणि बिबवेवाडी भागात या घटना घडल्या आहेत. याबाबत शुभम कुंजीर (वय २७, रा. निर्मल टाऊनशिपसमोर, काळेपडळ, हडपसर) यांनी हडपसर पोलीस ठाण्यात तक्रार दिली आहे.
कुंजीर दिवाळीनिमित्त बाहेरगावी गेले होते. चोरट्यांनी घराचे कुलुप तोडले. कपाटातील रोकड आणि दागिने असा दोन लाख ३९ हजार रुपयांचा ऐवज चोरुन चोरटे पसार झाले. पोलीस उपनिरीक्षक कामठे तपास करत आहेत.
बिबवेवाडीतील सुखसागरनगर परिसरात एका बंगला चोरट्यांनी फोडला. चोरट्यांनी दोन लाख रुपयांची रोकड चोरून नेली. याबाबत रोहित शेलार (वय ३२, रा. प्रकल्पसिद्धी बंगला, सुखसागरनगर) यांनी बिबवेवाडी पोलीस ठाण्यात तक्रार दिली आहे. उपनिरीक्षक संजय आदलिंग तपास करत आहेत.
Loading ...