जमिनीच्या वादातून दोन गटात हाणामारी ; दोन्ही गटातील १६ जणांवर गुन्हा दाखल

दोन्ही गटातील १६ जणांवर मंचर पोलिसात गुन्हा दाखल करण्यात आला आहे. याबाबत शोभा रवींद्र काळे व किशोर अनंतराव ढमाले यांनी एकमेका विरोधात फिर्याद दाखल केली आहे.

    मंचर : पेठ (ता. आंबेगाव) गावच्या हद्दीत जमीन मोजणीच्या वादातून दोन गटात हाणामारी झाली. हि घटना बुधवार दि. २९ रोजी सकाळी साडेअकरा वाजण्याच्या सुमारास घडली. याबाबत दोन्ही गटातील १६ जणांवर मंचर पोलिसात गुन्हा दाखल करण्यात आला आहे. याबाबत शोभा रवींद्र काळे व किशोर अनंतराव ढमाले यांनी एकमेकांविरोधात फिर्याद दाखल केली आहे.
    पोलिसांनी दिलेल्या माहितीनुसार, फिर्यादी शोभा रवींद्र काळे (वय ५०, रा. पेठ, ता. आंबेगाव) या पेठ तालुका आंबेगाव च्या हद्दीत जमीन गट नंबर ४३ येथे त्यांची ३८ गुंठे जमिनीची खासगी मोजण्यासाठी गेल्या होत्या. त्या ठिकाणी रूपाली विजय ढमाले, दीपिका किशोर ढमाले, त्यांचा भाऊ धुमाळ (पुर्ण नाव समजू शकले नाही) विजय आनंथा ढमाले,  किशोर आनंथा ढमाले (सर्व रा. पेठ, ता. आंबेगाव) यांनी जमीन मोजण्याच्या कारणावरून बेकायदा गर्दी जमाव जमवून फिर्यादी शोभा काळे यांना मारहाण करून शिवीगाळ, दमदाटी केली. तसेच तुम्हाला घरात येऊन मारतो असा दम दिला. या भांडणात फिर्यादी शोभा काळे यांचे मंगळसूत्र, सोन्याची कुडी गहाळ झाली असल्याचे काळे यांनी सांगितलेे. तर किशोर अनंतराव ढमाले यांनी दिलेल्या फिर्यादीनुसार पेठ (ता. आंबेगाव) गावचे हद्दीत त्यांच्या हॉटेल भीमाशंकर येथे मेहेंद्र राजपाल मित्तल, वकील रविंद्र लालचंद कर्नावट (दोघे रा. राजगुरुनगर, ता. खेड ) शोभा रवींद्र काळे, रवींद्र राणु काळे, आकाश भानुदास शिंदे, एच. जी. आनंदा, कुशल नवीन गोयल, माया गुलाब बराडे, आर्चना संजय गिरी, स्नेहा राजेंद्र लांडगे, कोमल आश्विन कांबळे (सर्व रा. पुणे) यांनी जमिनीचा ताबा घेण्यासाठी येऊन हॉटेल भीमाशंकर येथील चहा मिसळ फ्रिजचे वायरचे नुकसान करत शिवीगाळ दमदाटी व मारहाण केली असल्याचे फिर्यादी किशोर अनंतराव ढमाले यांनी  सांगितले आहे. मंचर पोलिसांनी दोन्ही गटातील १६ जणांवर गुन्हे दाखल केले आहेत. मंचर पोलीस ठाण्याचे पोलीस निरीक्षक बलवंत मांडगे यांच्या मार्गदर्शनाखाली पोलीस जवान शंकर भोईर व विनोद जांभळेअधिक तपास करत आहेत.