इंडिया आघाडीत संयोजक पदावरुन धुसफूस आणि मतभेद?, आज शिक्कामोर्तब होणार? ‘ही’ नावं आहेत चर्चेत… 

बैठकीत काही महत्त्वाचे निर्णय तसेच जागावाटप यावर चर्चा होणार असून, पंतप्रधान पदाचा चेहरा कोण हे देखील ठरण्याची शक्यता आहे. तसेच आजच्या बैठकीत लोगोचे अनावरण होणार होत, मात्र ते आता लांबणीवर पडले असताना, संयोजकपदावरुन देखील आघाडीत धूसफूस आणि मतभेद असल्याची सुत्रांची माहिती आहे.

    मुंबई – इंडिया आघाडीची तिसरी दोन दिवसीय बैठक मुंबईत होत आहे. (I.N.D.I.A Alliance Meeting in Mumbai) विरोधकांच्या ऐक्याची म्हणजेच इंडिया आघाडीची बैठक कालपासून दोन दिवस मुंबईत ग्रँड हयात हॉटेलमध्ये पार पडत आहे. (INDIA Meeting) पाटणा आणि बंगळुरुनंतर होत असलेल्या मुंबईतल्या दोन दिवसांच्या बैठकीत काही महत्त्वाचे निर्णय तसेच जागावाटप यावर चर्चा होणार असून, पंतप्रधान पदाचा चेहरा कोण हे देखील ठरण्याची शक्यता आहे. तसेच आजच्या बैठकीत लोगोचे अनावरण होणार होत, मात्र ते आता लांबणीवर पडले असताना, संयोजकपदावरुन देखील आघाडीत धूसफूस आणि मतभेद असल्याची सुत्रांची माहिती आहे. (Confusion and differences from the position of organizer in India Aghadi?, will it be sealed today? ‘These’ names are in discussion)

    संयोजकपदासाठी चर्चेतली नावे…

    दरम्यान, इंडिया आघाडीच्या बैठकीत संयोजक पदावरुन काहीसे मतभेद व धुसफूस सुरु असल्याची सुत्रांची माहिती आहे. संयोजक पदासाठी पहिले नाव काँग्रेस अध्यक्ष मल्लिकार्जुन खर्गे यांचे समोर आले होते. यानंतर राष्ट्रवादीचे अध्यक्ष शरद पवार यांच्या देखील कालपासून नावाची चर्चा सुरु आहे. तसेच इंडिया आघाडीच्या संयोजक पदासाठी तृणमूल काँग्रेसच्या अध्यक्षा ममता बॅनर्जी आणि बिहारचे मुख्यमंत्री नितीश कुमार यांचीही नावं चर्चेत आहेत. परंतू यावर एकमत होत नाहीय, त्यामुळं आज तरी संयोजकपदी नाव ठरणार आहे का, हे पाहवे लागेल.

    लोगोचे अनावरण लाबंणीवर…

    मिळालेल्या माहितीनुसार काही पक्ष नव्याने आलेले आहेत त्यांना ही सहभागी करुन घेतले जाणार आहे. समिती स्थापन झाल्यानंतर त्या समितीत चर्चा होईल, तसेच या लोगोमध्ये कोणते रंग, तिरंगा घ्यायचा का, आकार आदींचा विचार केला जात आहे. आणि यावर सर्वांच एकमत होत नसल्यामुळं लोगोचे आज होणारे अनावरण लांबणीवर पडले आहे. इंडिया (I.N.D.I.A) आघाडीच्या लोगोचं अनावरण पुढे ढकलण्यात आलं आहे अशी माहिती सूत्रांनी दिली आहे. लोगोसाठी एकूण पाच ते सात पर्याय आहेत, हे सर्व लोगो नव्यानं आलेले पक्ष आणि समितीसमोर ठेवले जातील, त्यानंतर यावरती अंतिम निर्णय होईल. तसेच या आघाडीला इंडिया नाव असल्याने या लोगोमध्ये राष्ट्रध्वजाचे तिरंगाची झलक दिसणार आहे. इंडिया आघाडीच्या लोगोसाठी नऊ डिझाईन तयार करण्यात आले होते. त्यातील एका डिझाईनला काही महत्त्वाच्या काही प्रमुख पक्षांनी संमती दिली आहे. तसेच प्रत्येक पक्षाचं निवडणूक चिन्ह असताना लोगोचे महत्व एवढं वाढवावं का याबद्दल मतमतांतरे आहेत. त्यामुळं सर्वांची मतं लक्षात घेऊनच निर्णय करावा, असा सूर बैठकीतून आला आहे. यामुळं लोगोचे अनावरण पुढे ढकलले आहे.