संरक्षण संशोधन आणि विकास संस्थेचे (डीआरडीओ) संचालक, वरिष्ठ शास्त्रज्ञ डॉ. प्रदीप कुरुलकर यांची पॉलिग्राफ व आवाजाची चाचणी करण्याबाबत (व्हाइस लेअर ॲनलिसिस) दहशतवाद विरोधी पथकाने (एटीएस) दाखल केलेला अर्ज न्यायालयाने फेटाळला. अतिरिक्त सत्र न्यायाधीश एस. बी. कचरे यांनी हा आदेश दिले.
पुणे : संरक्षण संशोधन आणि विकास संस्थेचे (डीआरडीओ) संचालक, वरिष्ठ शास्त्रज्ञ डॉ. प्रदीप कुरुलकर यांची पॉलिग्राफ व आवाजाची चाचणी करण्याबाबत (व्हाइस लेअर ॲनलिसिस) दहशतवाद विरोधी पथकाने (एटीएस) दाखल केलेला अर्ज न्यायालयाने फेटाळला. अतिरिक्त सत्र न्यायाधीश एस. बी. कचरे यांनी हा आदेश दिले. पाकिस्तानी गुप्तचर यंत्रणेला गोपनीय माहिती पुरविल्याप्रकरणी कारवाई केली आहे.
-चाचणीसाठी आरोपीची परवानगी आवश्यक
डॉ. कुरुलकर तपासात सहकार्य करत नसल्याचे सरकारी वकील ॲड. विजय फरगडे यांनी न्यायालयास सांगितले होते. तर कुरुलकरने मोबाइलमधील काही डाटा नष्ट करण्याचा प्रयत्न केला. तो परत मिळवायचा आहे. कुरुलकर बऱ्याच गोष्टी लपविण्याचा प्रयत्न करत आहेत. त्यासाठी व्हॉईस लेअर सायकोलॉजिकल ॲनलिसिस चाचणी करायची आहे. पॉलिग्राफ चाचणीसाठी आरोपीची परवानगी आवश्यक असते. मात्र, व्हाइस लेअर चाचणीसाठी आरोपीची परवानगी गरजेची नसते. असे ॲड. फरगडे यांनी युक्तीवादात सांगितले होते. त्यावर न्यायालयाने एटीएसच्या अधिकाऱ्यांना व्हाइस लेअर ॲनॅलिसिस चाचणी म्हणजे काय, ती कशासाठी केली जाते, यापूर्वी ही चाचणी कोणाची झाली आहे का, अशी विचारणा एटीएस अधिकाऱ्यांकडे न्यायालयाने केली. मात्र, एटीएसच्या अधिकाऱ्यांना पुरेशी माहिती देता आली नाही. त्यामुळे न्यायालयाने चाचणीबाबत सुनावणी घेण्यापूर्वी उपस्थित केलेल्या प्रश्नांची उत्तरे देण्यास सांगितले होते. दरम्यान, डॉ. कुरुलकरने या दोन्ही चाचण्या करण्यास नकार दिला होता.
-कुरुलकरकडून लॅपटॉप, मोबाइल जप्त
कुरुलकरचे वकील ॲड. ऋषीकेश गानू यांनी एटीएसच्या अर्जास विरोध केला होता. कुरुलकरच्या परवानगीशिवाय व्हाइस लेअर ॲनलिसिस चाचणी, पॉलिग्राफ चाचणी करणे संशयित आरोपीच्या अधिकारांच्या विरुद्ध आहे. कुरुलकरकडून जप्त करण्यात आलेला लॅपटॉप, मोबाइलचे तांत्रिक विश्लेषण करण्यात आले होते. तांत्रिक विश्लेषण करुन डीआरडीओच्या समितीने याबाबतची कागदपत्रे एटीएसकडे सोपविली होती, असे ॲड. गानू यांनी सांगितले होते. दोन्ही बाजूंचा युक्तीवाद ऐकून न्यायालयाने एटीएसने दाखल केलेला अर्ज फेटाळून लावला.
कुरुलकर तपासात सहकार्य करत नसल्याचे एटीएसच्या वकिलांनी न्यायालयात सांगितले होते. कुरुलकर बऱ्याच गोष्टी लपविण्याचा प्रयत्न करत आहेत. त्यासाठी व्हॉईस लेअर सायकोलॉजिकल ॲनलिसिस आणि पॉलिग्राफ चाचणी करायची आहे, असे एटीएसने दाखल केलेल्या अर्जात म्हटले होते. संबंधित अर्ज न्यायालयाने फेटाळून लावल्याने एटीएसला धक्का बसला आहे.
Loading ...