Sataraदहिवडी पोलीस ठाणे जिल्ह्यात नंबर वन!

चार पुरस्कार प्राप्त, पोलिस अधीक्षक व अप्पर पोलीस अधीक्षक यांच्या हस्ते सन्मान

दहिवडी : दहिवडी पोलीस स्टेशनला माहे ऑगस्टमधील व सप्टेंबर २०२३ चे तीन असे ४ पुरस्कार प्राप्त झाले असून पोलिस अधीक्षक श्री समीर शेख, अप्पर पोलीस अधीक्षक आंचल दलाल यांच्या हस्ते प्रदान करण्यात आले आहेत.

ऑगस्ट आणि सप्टेंबर २०२३ मध्ये दहिवडी पोलीस ठाणे यांनी महिला पथदर्शी प्रकल्पांतर्गत संपूर्ण जिल्ह्यामध्ये सर्वोत्तम कामगिरी केल्याबद्दल तसेच सर्वात जास्त मुद्देमाल निर्गती केल्याबद्दल आणि सीसीटीएनएस कार्यप्रणाली अनुषंगाने सर्वोत्तम कामगिरी केल्याबद्दल बेस्ट पोलीस स्टेशन इन महिला पथदर्शी प्रकल्प तसेच बेस्ट पोलीस स्टेशन इन मुद्देमाल निर्गती आणि बेस्ट पोलीस स्टेशन इन सीसीटीएनएस असे चार पुरस्कार प्राप्त करण्यात आले आहेत. सातारा येथे पोलिस अधीक्षक श्री समीर शेख सर आणि अप्पर पोलीस अधीक्षक आंचल दलाल मॅडम यांच्या हस्ते हे पुरस्कार दहिवडी पोलीस ठाण्याचे सहाय्यक पोलीस निरीक्षक अक्षय सोनवणे, विलास कुऱ्हाडे, नीलम रासकर, नेहा कोळेकर, आसिफ नदाफ यांना प्रदान करण्यात आले.