भाजप प्रदेशाध्यक्ष चंद्रशेखर बावनकुळे (Chandrashekhar Bawankule) यांच्या वक्तव्याचा चुकीचा अर्थ काढला गेला, असे स्पष्टीकरण उपमुख्यमंत्री देवेंद्र फडणवीस (Devendra Fadnavis) यांनी दिले.
मुंबई : भाजप प्रदेशाध्यक्ष चंद्रशेखर बावनकुळे (Chandrashekhar Bawankule) यांच्या वक्तव्याचा चुकीचा अर्थ काढला गेला, असे स्पष्टीकरण उपमुख्यमंत्री देवेंद्र फडणवीस (Devendra Fadnavis) यांनी दिले.
भाजपच्या एका बैठकीतील ऑडिओ क्लिप व्हायरल होत आहे. या ऑडिओ क्लिपमधील आवाज चंद्रशेखर बावनकुळे यांचा असल्याची चर्चा आहे. यात बावनकुळे २०२४ च्या निवडणुकीआधी पत्रकारांनी आपल्याविरोधात एकही बातमी छापू नये यासाठी त्यांना चहा प्यायला घेऊन जा. त्यांना चहा प्यायला बोलवायचे म्हणजे नेमकं काय करायचे हे तुम्हाला समजलंच असेल. त्यांना धाब्यावरही घेऊन जा, असे या ऑडिओ क्लिपमध्ये ऐकू येत आहे.
चंद्रशेखर बावनकुळे यांनी स्वतःही यावर स्पष्टीकरण दिले आहे. आपले चांगले काम पत्रकारांच्या मार्फत लोकांपर्यंत पोहचले पाहिजे. असे मी पदाधिकाऱ्यांना सांगितले आहे. पण काही माध्यमांनी याच्या चुकीच्या बातम्या प्रसिद्ध केल्या. लोकांपर्यंत चांगले काम गेले पाहिजे, इतकंच माझ्या बोलण्याचा उद्देश होता, असे बावनकुळे यांनी सांगितले.
दरम्यान, भाजपचे वरिष्ठ नेते उपमुख्यमंत्री देवेंद्र फडणवीस यांनी यावर पहिली प्रतिक्रिया दिली आहे. चंद्रशेखर बावनकुळे जे बोलले आहेत. त्याचा चुकीचा अर्थ काढला जात आहे. कार्यकर्त्यांना मार्गदर्शन करताना काही गोष्टी आपण वेगळ्या अर्थी बोलतो.
Loading ...