गर्लफ्रेण्डची आई आणि भावाला जिवंत जाळून तरुणाने स्वत:ही पेटवून घेऊन आत्महत्या केल्याची धक्कादायक घटना अमरावती जिल्ह्यात घडली आहे.
अमरावती : अमरावतीमधून एक धक्कादायक घटना समोर आली आहे. एका तरुणाने आपल्याच प्रेयसीच्या आईला आणि भावाला जिवंत जाळलं आहे. त्यानंतर तरुणाने स्वत:ला देखील पेटवून घेत आत्महत्या केलीये. या धक्कादायक घटनेमुळे अमरावतीमध्ये एकच खळबळ उडालीये. पोलीस या प्रकरणी अधिक तपास करतायत.
वरुड तालुक्यातील वंजडी इथे रविवारी रात्री हा प्रकार घडला. लता सुरेशराव भोंडे आणि प्रणय सुरेशराव भोंडे अशी जाळून हत्या केलेल्या आई आणि मुलाचं नाव आहे. तर आशिष ठाकरे असं मृत आरोपीचं नाव आहे.
जाळून मारण्याचं कारण काय?
आशिष ठाकरे या तरुणाचे मुलीसोबत प्रेमसंबंध होते. काही वर्षे ते सोबत होते. मात्र काही महिन्यांपूर्वी ते दोघे वेगळे झाले. याच वादातून हे हत्याकांड घडल्याची माहिती आहे. त्यानंतर आशिष ठाकरेने वरुड तालुक्यातील वंडली इथे रात्री एक वाजताच्या दरम्यान एक्स गर्लफ्रेण्डची आई आणि भावाची जाळून हत्या केली. त्यानंतर आरोपीने सुद्धा स्वत: जाळून घेऊन आत्महत्या केली.
यामध्ये लता सुरेशराव भोंडे (वय 45 वर्ष) आणि मुलगा प्रणय सुरेशराव भोंडे (वय 20 वर्ष) यांची जाळून हत्या करण्यात आली. तर आरोपी आषिश ठाकरे (वय 25 वर्ष) याने स्वतः जाळून घेऊन आत्महत्या केली.
Loading ...