जिल्हा परिषद मैदानावर सुरू असलेल्या पाच दिवशी छत्रपती कृषी वाहन व औद्योगिक महोत्सवामध्ये सध्या सातारा जिल्ह्यातील नागरिकांचे विशेष आकर्षण ठरत आहे. कर्नाटक येथून आलेला दीड कोटी रुपयांचा आणि तब्बल वीस पुरस्कारांनी प्राप्त असलेला सहा वर्षाचा गजेंद्र रेडा!
सातारा : येथील जिल्हा परिषद मैदानावर सुरू असलेल्या पाच दिवशी छत्रपती कृषी वाहन व औद्योगिक महोत्सवामध्ये सध्या सातारा जिल्ह्यातील नागरिकांचे विशेष आकर्षण ठरत आहे. कर्नाटक येथून आलेला दीड कोटी रुपयांचा आणि तब्बल वीस पुरस्कारांनी प्राप्त असलेला सहा वर्षाचा गजेंद्र रेडा!
कर्नाटक राज्यातील बेळगाव जिल्ह्यातील कागवाड तालुक्यातील मंगसुळी येथील विलास गणपती नाईक या मालकांचा हा सहा वर्षाचा रेडा पंजाब मधून आणलेल्या म्हशी पासून सहा वर्षांपूर्वी जन्माला आला. एक लाख ४० हजाराच्या किमतीला आणलेल्या म्हशी पासून हा गजेंद्र नावाचा रेडा झाला आणि नाईक परिवाराचे भाग्यच बदलले. महाराष्ट्र, कर्नाटक यासारख्या राज्यातील सुमारे वीस हुन अधिक प्रदर्शनात लक्षवेधक ठरलेला हा गजेंद्र नावाचा रेडा महाराष्ट्र ,कर्नाटक हिंदकेसरी पुरस्काराने ही सन्मानित झालेला आहे दररोज १५ लिटर दूध पिणारा चार किलो पेंड खाणारा तसेच तीन किलो गव्हाचा आटा खाणारा हा धष्टपुष्ट गजेंद्र दररोज तीन किलो सफरचंद फळे ही खातो बर का.
ऊस, वैरण, उसाचे वाड, पाचट यासारख्या खाद्यपदार्थांना शुद्ध शाकाहारात स्वीकारणारा हा गजेंद्र सध्या आयशर ट्रक मधून दीड टनाचा वजनाचा असल्यामुळे या प्रदर्शनासाठी दाखल झाला आहे. नाईक परिवाराकडे सध्या पन्नास म्हशी असून दररोज दीडशे लिटर दूध ते विक्री करतात स्मार्ट एक्सप्रेस सांगली यांच्या सोमनाथ शेटे यांचे कडून विविध प्रदर्शनात या गजेंद्र वेड्याला प्रदर्शनासाठी आणले जाते आणि खऱ्या अर्थाने हे प्रदर्शन लक्षवेधक ठरण्यासाठी हा गजेंद्र सर्वात आकर्षण ठरत आहे. सातारा जिल्ह्यातील अनेक अनेक नागरिकांनी बुधवारी सकाळपासूनच या गजेंद्र ला पाहण्यासाठी गर्दी केली होती धष्टपुष्ट असा हा गजेंद्र सर्वांचे आकर्षण ठरत आहे तसेच शेकडो युवकांच्या मोबाईल मध्येही तो आपल्या वेगवेगळ्या पोजणी कॅमेऱ्याला सामोरे जात आहे तर अशा या छत्रपती प्रदर्शनाला भेट देताना गजेंद्रलाही आपण अवश्य भेटा असेच आवाहन संयोजकांच्या वतीने करण्यात आले आहे.
Loading ...