कोल्हापूर : कोल्हापूर जिल्हा दूध उत्पादक संघ अर्थात गोकुळचे अध्यक्ष विश्वास नारायण पाटील यांनी चेअरमन पदाचा राजीनामा दिला आहे. हा राजीनामा गोकुळ दूध संघाच्या संचालक मंडळाच्या बैठकीत मंजूरही करण्यात आला आहे. मात्र गोकुळचे चाचणी लेखापरीक्षण सुरू असताना हा राजीनामा दिल्यानंतर जिल्ह्यात उलट सुलट चर्चा सुरू आहे. गोकुळचे लेखापरीक्षण हे राजकीय हेतून केले जाते. यामध्ये कोणतेही तथ्य नसल्याचे माझी अध्यक्ष विश्वास पाटील यांनी स्पष्ट केले आहे. त्यामुळे या उलट सुलट चर्चेला पूर्ण विराम दिला गेला आहे. गेल्या दोन वर्षाच्या काळात आपण जिल्हा उत्पादक दूध संघाची 2550 कोटी वरून 3420 कोटी रुपयांवर उलाढाल झाली, त्यामध्ये 870 कोटी रुपयांची वाढीव उलाढाल झाल्याचे त्यांनी स्पष्ट केले आहे. तसेच दोन वर्षाच्या कालावधीत दूध उत्पादकांना दूध खरेदीसाठी सात वेळा दूध खरेदी दरात वाढ देखील केली आहे, मात्र जवळपास 20 नवीन बाबी केल्याचा आपल्याला आनंद असून गोकुळचे चाचणी लेखा परीक्षणात कोणतेही तथ्य नसून राजकीय द्वेशा पोटी विरोधक हे करत असल्याचे त्यांनी सांगितले.
Loading ...