पिंपरी : ताथवडे येथे रविवारी (दि. 8) रात्री बेकायदेशीरपणे गॅस रिफिलिंग करीत असताना मोठा स्फोट झाला. या घटनास्थळी येऊन, पाहणी करीत आरोग्यमंत्री तानाजी सावंत यांनी पोलिसांवर चांगलेच ताशेरे ओढले. 24 तासाच्या आत किमान चार पोलिसांवर कारवाई व्हायला हवी असे आदेश वजा तंबी दिली. त्यानंतर वरिष्ठ पोलिसांनी अवघ्या 12 तासांतच दोन अधिकारी आणि चार कर्मचाऱ्यांचे निलंबन केले.
ब्लॉसम इंग्लिश स्कूल
रविवारी रात्री ताथवडे येथील जेएसपीएम संस्थेच्या ब्लॉसम इंग्लिश स्कूलडवळ मोकळ्या मैदानात प्रोपीलीन गॅस भरलेल्या कॅप्सूल टॅंकरमधून बेकायदेशी गॅसचोरी करीत असताना आगीची दुर्घटना घडली. यामध्ये तब्बल नऊ सिलेंडरचा स्फोट झाला. त्यानंतर घटनास्थळी एकूण 27 सिलेंडर तसेच टँकर मधून गॅस काढून सिलेंडर मध्ये भरण्यासाठी वापरली जाणारी साधने आढळून आली. घटना घडल्यानंतर संबंधितांनी घटनास्थळावरून पोबारा केला.
या घटनेची राज्यभर चर्चा
दरम्यान, या घटनेची राज्यभर चर्चा झाली. खुद्द आरोग्यमंतत्री तानाजी सावंत यांची जेएसपीएम संस्था असल्याने सोमवारी सकाळीत्यांनी तात्काळ घटनास्थळी भेट दिली. त्यानंतर आरोग्य मंत्री तानाजी सावंत यांनी या घटनेसाठी जबाबदार पोलिसांवर तात्काळकारवाई करण्याबाबत वरिष्ठ अधिकाऱ्यांना सांगितले.
याबाबतचे आदेश सोमवारी रात्री उशिरा
सहायक पोलीस निरीक्षक परवेझ शिकलगार, सहायक पोलीस निरीक्षक बालाजी ठाकूर आणि चार पोलीस कर्मचाऱ्यांवर निलंबनाची कारवाई करण्यात आली आहे. याबाबतचे आदेश सोमवारी रात्री उशिरा देण्यात आले आहेत
Loading ...