संग्रहित फोटो
संग्रहित फोटो

मराठवाड्यावर रुसलेल्या वरुणराजाने अखेर शहरात दमदार (Rain in Sambhajinagar) हजेरी लावली. शहरात आलेल्या या संततधार पावसाने काही तासांत वेग धरला. यात शहरात अनेक ठिकाणी पाणी साचले.

    छत्रपती संभाजीनगर : मराठवाड्यावर रुसलेल्या वरुणराजाने अखेर शहरात दमदार (Rain in Sambhajinagar) हजेरी लावली. शहरात आलेल्या या संततधार पावसाने काही तासांत वेग धरला. यात शहरात अनेक ठिकाणी पाणी साचले. त्यातच एमटीडीसी समोरील जुने निलगरीचे झाड मुळासकट उन्मळून पडले.

    रस्त्यावरुन जाणाऱ्या रिक्षाच्या समोरील भागावरच झाड आदळले. मात्र, चालक सुरक्षित राहून प्रवासी नसल्याने मोठी दुर्घटना टळली. सकाळपासूनच ढग दाटून आले होते. सकाळी सुरू झालेला संततधार पाऊस रविवारी दुपारीही सुरू होता. परिणामी, शहरातील सखोल भागात पावसाचे पाणी साचले होते. बीड बायपासवर रस्त्याचे काम सुरू असल्याने अनेक वाहनचालकांची तारांबळ उडाली.

    एमटीडीसी ते अहिल्याबाई होळकर चौकाच्या दिशेने वाहनांचा ये-जा सुरू होती. नेमकी तेव्हाच एमटीडीसी कार्यालयासमोरील निलगिरीचे झाड मूळासकट कोसळून मोठा आवाज झाला. रिक्षा वगळता एकही वाहन झाडाच्या कचाट्यात न सापडल्याने मोठी दुर्घटना टळली. एका बाजूने पूर्ण रस्त्यावर झाड कोसळल्याने दोन तास वाहतूक ठप्प होती. दर्यान, एकतर्फी वाहतूक वळवण्यात आली.