स्वतःचीच बाईक पेटवून होमगार्डने केली आत्महत्या, कल्याण पोलिसांचा तपास सुरु

गुरुवारी सायंकाळच्या सुमारस टिटवाळा रेल्वे स्थानकाजवळ रेल्वे ट्रॅकवर लोकल खाली झोकुन देत भूषण आत्महत्या केली. घटनेची माहिती मिळताच कल्याण रेल्वे पोलिसांनी घटनास्थळी धाव घेतली.

    गाडी पार्किंग वरून होत असलेल्या मानसिक त्रासामुळे – गुरुवारी संध्याकाळी टिटवाळामध्ये भूषण मोरे नावाच्या होमगार्डने आत्महत्या केल्याची धक्कादायक घटना समोर आली आहे. उमया गलक्सीमध्ये राहणाऱ्या होमगार्ड भूषण मोरे येथे टिटवाळा स्टेशन जवळच रेल्वे ट्रॅकवर लोकल खाली झोपून आत्महत्या केली. भूषणच्या मृतदेहाजवळ रेल्वे पोलिसांना सुसाईड नोट मिळाली. यामध्ये भूषण राहत असलेल्या इमारतीमधील चार जणांनी त्याला मानसिक त्रास दिल्याने त्याने आत्महत्यासारखे टोकाचे पाऊल उचलण्याचे लिहिलं होतं. कल्याण जीआरपीने भूषणच्या कुटुंबीयांनी दिलेल्या तक्रारीनुसार सहा जणांविरोधात गुन्हा दाखल करत पुढील तपास सुरू केला. पार्किंगवरून सातत्याने होत असलेल्या वादातून भूषण मोरे यांनी दोन दिवसांपूर्वी आपली बाईक पेटवून टाकली होती. या घटनेत एका कार देखील जळाली होती या प्रकरणी भूषण मोरे विरोधात टिटवाळा पोलीस स्टेशनमध्ये गुन्हा देखील दाखल आहे.

    टिटवाळा येथील उमया गलक्सीमध्ये राहणारा भूषण मोरे हा होमगार्ड म्हणून ठाणे रेल्वे पोलीसमध्ये कार्यरत होता. भूषण राहत असलेल्या इमारतीमध्ये त्याचे पार्किंग वरून चार जणांसोबत वाद झाले होते. याच वादातून भूषणने काही दिवसांपूर्वी आपली बाईक पेटवून दिली होती. बाईक शेजारील गाडीचे देखील यामध्ये नुकसान झाले होते. या प्रकरणी टिटवाळा पोलीस ठाण्यात देखील गुन्हा दाखल करण्यात आला होता. या वादामुळे भूषण मानसिक तणावात होता. गुरुवारी सायंकाळच्या सुमारस टिटवाळा रेल्वे स्थानकाजवळ रेल्वे ट्रॅकवर लोकल खाली झोकुन देत भूषण आत्महत्या केली. घटनेची माहिती मिळताच कल्याण रेल्वे पोलिसांनी घटनास्थळी धाव घेतली. भूषणच्या मृतदेहाजवळ त्यांना सुसाईड नोट आढळली. या सुसाईड नोटमध्ये भूषण इमारतीमधील चार जणांनी मानसिक त्रास दिल्याने आत्महत्या करत असल्याचे नमूद केले होते. भूषणच्या कुटुंबीयांनी दिलेल्या तक्रारीनुसार कल्याण रेल्वे पोलिसांनी आत्महत्येस प्रवृत्त केल्याप्रकरणी सहा जणांविरोधात गुन्हा दाखल करण्यात आला आहे. याप्रकरणी रेल्वे पोलीस पुढील तपास करत आहेत.