पिंपरी : पिंपरीमध्ये मराठा आंदोलन कार्यकर्त्यांना पिंपरी चिंचवड पोलिसांकडून ताब्यात घेण्यात आले आहे. वायसीएम रुग्णालयामध्ये राज्याच्या विधान परिषदेचे विरोधी पक्षनेते अंबादास दानवे पाहणी दौऱ्यासाठी आले असता त्यांना मराठा क्रांती मोर्चाच्या वतीने काळे झेंडे दाखवून निषेध व्यक्त करण्यात आला. यावेळी पोलिसांनी कार्यकर्त्यांना धरपकड केली.
अंबादास दानवे गो बॅकच्या घोषणा
यावेळी अंबादास दानवे गो बॅकच्या घोषणा आंदोलनकर्त्यांनी दिल्या. तसेच छत्रपती शिवाजी महाराज की जय, मराठ्यांना आरक्षण मिळालेच पाहिजे अशा घोषणाही देण्यात आल्या.
काही गावात देखील नेत्यांना बंदी
दिवसेंदिवस राज्यातील मराठा आंदोलन तीव्र होत चालले असून गावागावात आमदार, खासदारांचे रस्ते अडवले जात असून काही गावात देखील नेत्यांना बंदी करण्यात आली आहे. यामुळे आता सरकारवर मराठा आरक्षणाचा प्रश्न लवकरात लवकर सोडवण्याची वेळ आली आहे.
मनोज जरांगे पाटील यांचे आंदोलन सुरू
मराठा आरक्षणासाठी मनोज जरांगे पाटील यांचे आंदोलन सुरू आहे. त्यांना पाठिंबा देण्यासाठी पिंपरी- चिंचवडमध्ये साखळी उपोषण सुरू असून पुढारी आणि नेत्यांना आम्ही शहरात कुठलाही कार्यक्रम किंवा सभा घेऊ देणार नाही, असा इशारा दिला गेला होता.
सकल मराठा समाजाच्या कार्यकर्त्यांची धरपकड
आज अंबादास दानवे पिंपरीतील वायसीएम रुग्णालयात भेट देण्यास येणार आहेत. त्यापूर्वी पोलिसांनी सकल मराठा समाजाच्या कार्यकर्त्यांची धरपकड सुरू केली आहे. त्यांना विरोध करण्यासाठी आलेल्या कार्यकर्त्यांना पोलिसांनी ताब्यात घेतलं आहे. एक मराठा लाख मराठा, अशा घोषणा सकल मराठा समाजाच्या कार्यकर्त्यांनी दिल्या.
अंबादास दानवे आज पिंपरीत
विधान परिषदेचे विरोधी पक्षनेते अंबादास दानवे हे आज पिंपरीतील वायसीएम रुग्णालयात भेट देण्यासाठी येत आहेत. तर, दुसरीकडे मराठा समाज हा आरक्षणासाठी आक्रमक आहे. पिंपरी-चिंचवड शहरात कुठल्याही नेत्याला सभा, कार्यक्रम घेऊ देणार नाही, त्यांना फिरकू देणार नाही असा इशारा सकल मराठा बांधवांकडून देण्यात आला होता.
गावागावात नेत्यांना फिरकू दिलं जात नाही
त्याच पार्श्वभूमीवर वायसीएम परिसरातून सकल मराठा समाजाच्या कार्यकर्त्यांना पोलिसांनी ताब्यात घेतलं आहे. अवघ्या महाराष्ट्रात गावागावात नेत्यांना फिरकू दिलं जात नाही. त्याचं लोण आता शहरात देखील बघायला मिळत आहे.
Loading ...