पुणे/पिंपरी : एका व्यक्तीने त्याच्या घरात वेश्याव्यवसाय चालवला. त्यासाठी त्याने दोन महिलांना पैशांचे आमिष दाखवले असल्याचे उघडकीस आले आहे. हा प्रकार रविवारी (दि. 19) सायंकाळी उघडकीस आला असून, पोलिसांनी दोन महिलांची सुटका करीत तिघांच्याविरोधात गुन्हा दाखल केला आहे.
एमआयडीसी भोसरी पोलीस ठाण्यात फिर्याद
पोलीस अंमलदार संदीप शेप यांनी याप्रकरणी एमआयडीसी भोसरी पोलीस ठाण्यात फिर्याद दिली आहे. त्यानुसार एक महिला, पारधी (पूर्ण नाव माहिती नाही), देविदास अप्पासाहेब हनवते (53, रा. एमआयडीसी भोसरी. मूळ रा. वखारी, ता. जि. जालना) यांच्या विरोधातगुन्हा दाखल करण्यात आला आहे.
घरावर छापा मारून कारवाई
पोलिसांनी दिलेल्या माहितीनुसार, आरोपी देविदास याने त्याच्या राहत्या घरात वेश्याव्यवसाय चालवला. त्याने दोन महिलांना पैशांचे आमिष दाखवून त्यांच्याकडून जबरदस्तीने वेश्याव्यवसाय करून घेतला. याबाबत एमआयडीसी भोसरी पोलिसांना माहिती मिळाली असता पोलिसांनी रविवारी सायंकाळी पावणेसहा वाजता आरोपीच्या घरावर छापा मारून कारवाई केली.
पैशांवर आरोपींनी आपली उपजीविका भागवली
यामध्ये पोलिसांनी दोन पीडित महिलांची सुटका केली. तर देविदास हनवते याला अटक केली. पीडित महिलांकडून वेश्याव्यवसाय करून घेतल्यानंतर मिळालेल्या पैशांवर आरोपींनी आपली उपजीविका भागवली असल्याचे तपासात समोर आले आहे. एमआयडीसी भोसरी पोलीस तपासकरीत आहेत.
Loading ...