महिलांवरील अन्याय सहन करणार नाही, तृप्ती देसाई यांचा इशारा; शिक्रापुरात भूमाता ब्रिगेडचे कार्यालय सुरु

महाराष्ट्रामध्ये (Maharashtra) हुंडा मुक्त महाराष्ट्र, हुंडा विरोधी चळवळ सुरु करण्यात आलेली असून स्त्री स्त्रीभ्रूण हत्या मुक्त महाराष्ट्र आम्ही करणार असून महिलांवर होणारे अन्याय आम्ही सहन करणार नसल्याचा इशारा भूमाता ब्रिगेड व भूमाता फाउंडेशनच्या अध्यक्षा तृप्ती देसाई (Trupti Desai) यांनी दिला.

    शिक्रापूर : महाराष्ट्रामध्ये (Maharashtra) हुंडा मुक्त महाराष्ट्र, हुंडा विरोधी चळवळ सुरु करण्यात आलेली असून स्त्री स्त्रीभ्रूण हत्या मुक्त महाराष्ट्र आम्ही करणार असून महिलांवर होणारे अन्याय आम्ही सहन करणार नसल्याचा इशारा भूमाता ब्रिगेड व भूमाता फाउंडेशनच्या अध्यक्षा तृप्ती देसाई (Trupti Desai) यांनी दिला.

    भूमाता ब्रिगेड व भूमाता फाउंडेशनच्या शिरुर तालुका कार्यालयाचे उदघाटन भूमाता ब्रिगेड व भूमाता फाउंडेशनच्या अध्यक्षा तृप्ती देसाई यांच्या हस्ते शिक्रापूर (ता. शिरुर) येथे नुकतेच करण्यात आले. त्यावेळी ते बोलत होते. जिल्हा परिषद सदस्या कुसुम मांढरे, सरपंच रमेश गडदे, माजी पंचायत समिती सदस्य पंढरीनाथ गव्हाणे, ब्रिगेडच्या तालुकाध्यक्षा मंगल सासवडे, मानव विकास परिषदचे प्रदेशाध्यक्ष संदीप कुटे, तालुकाध्यक्ष मिना गवारे, राष्ट्रवादी डॉक्टर सेलचे प्रदेश सरचिटणीस डॉ. पवन सोनवणे, ग्रामपंचायत सदस्य त्रिनयन कळमकर, सुभाष खैरे, शालन राऊत, पोलीस उपनिरीक्षक माधुरी झेंडगे, सिनेकलाकार कैलास ढोकले, उद्योजक अरुण गायकवाड, लोक जनशक्ती पक्षाचे अध्यक्ष शरद टेमगिरे, बाजार समितीचे संचालक बाबासाहेब सासवडे, सुरेखा इंगळे, सुरेखा कांबळे, कविता जकाते, कल्पना ढोकले, ललिता पोळ, मंगल सोनवणे आदी उपस्थित होते.

    आता महिलांची ताईगिरी दिसेल

    देसाई म्हणाल्या, आता बस झाली दादागिरी व भाईगीरी. आता महिलांची ताईगिरी दिसेल. महिलांनी अन्याय झाल्यास घाबरून न जाता अन्यायाविरुद्ध आवाज उठवला पाहिजे. महिला एकत्र आल्यास कोणीही काही करु शकत नाही. मात्र, त्यासाठी महिलांनी सक्षम बनले पाहिजे. यावेळी महिलांसाठी हळदी कुंकू तसेच आरोग्य शिबीर देखील संपन्न झाले.

    विधवा प्रथा बंद करा

    महिलांनी स्त्री जन्माचे स्वागत करुन मुलींना चांगल्या दर्जाची वागणूक द्यावी तसेच विधवा महिला पद्धत बंद करुन प्रत्येक महिलेला हळदी कुंकू आदी कार्यक्रमामध्ये सहभागी करुन घेत महिलांमध्ये भेदभाव न करता समान वागणूक देणे गरजेचे असल्याचे देखील तृप्ती देसाई यांनी सांगितले. प्रास्ताविक सुरेखा इंगळे यांनी केले. तालुकाध्यक्षा मंगल सासवडे यांनी आभार मानले.

    दर महिन्याला जनता दरबार घेणार

    शिरुर तालुक्यातून महिलांच्या अनेक समस्या असून आमच्याकडे येणाऱ्या तक्रारींमध्ये शिरुर तालुक्यातील तक्रारींची संख्या जास्त असून महिलांच्या समस्या सोडवण्यासाठी भूमाता ब्रिगेडच्या वतीने प्रत्येक महिन्यात शिरुर तालुक्यात जनता दरबार भरवण्यात येणार असल्याचे देखील तृप्ती देसाई यांनी सांगितले.