पोलीस असण्याविषयी रेल्वे पोलिसांनाच संशय आल्याने तो पोलिसांच्या जाळ्यात अडकला आहे.
कल्याण : आई वडिलांना सांगितले की, माझे एसआरपीएफमध्ये सिलेक्शन झाले आहे. दौंडमध्ये माझे प्रशिक्षण सुरु आहे. नंतर सांगितले की, मला रेल्वेमध्ये सुरक्षा कर्मचारीची ड्यूटी लागली आहे. कल्याण रेल्वे पोलिसांनी या भामट्याला पकडून त्याचा भांडाफोड केला आहे. अभिषेक सुखदेव सानप असे या नकली पोलिसांचे नाव आहे. तो नाशिक येथील सिन्नरचा राहणारा आहे.
कल्याण रेल्वे पोलीस ठाण्यामध्ये कार्यरत असलेले खाडे यांची वाशिंद रेल्वे स्थानकात ड्यूटी होती. ड्यूटी करीत असताना त्यांनी पाहिले की, लोकलमध्ये एक गणवेशधारी पोलीस बसला आहे. या पोलीस कर्मचाऱ्याला फलाट क्रमांक दोनवर आलेल्या सीएसटी लाेकल गाडीच्या मधल्या जनरल डब्यात हा उभा होता. खाडे यांना संशय आला. त्याने विचारपूस केली असता त्याने उडवाउडवीची उत्तरे दिली. त्यानंतर खाडे यांना संशय आला. त्याने लोकल गाडीतून उतरविण्यास सुरुवात केली. तेव्हा गाडी सुरु झाली. खाडे यांनी लगेच खडवली रेल्वे स्थानकातील पोलिसांना संपर्क केला. मात्र संपर्क न झाल्याने टिटवाळा रेल्वे स्थानकातील पोलीस कर्मचारी सुरुड आणि आरपीएफ महिला जवान टेके यांच्या मदतीने गणवेशधारी पोलिसाला गाडीतून उतरविले. कल्याण रेल्वे पोलीस ठाण्याच्या प्रभारी वरिष्ठ पोलीस निरिक्षक अर्चना दुसाणे यांच्या मार्गदर्शनाखाली पोलीस अधिकारी राणे यांनी तपास सुरु केला. या व्यक्तीचे नाव अभिषेक सानप असे आहे. अभिषेक हा नाशिक जिल्ह्यातील सिन्नर येथील खंबाळे येथील भोकनी गावचा राहणारा आहे.
आई वडिलांना एक वर्षापूर्वी सांगितले की, एसआरपीएफमध्ये नोकरी लागली आहे. त्यानंतर त्याने त्याचे दौंडमध्ये प्रशिक्षण सुरु आहे. त्यानंतर तो रेल्वेच्या महिला डब्यात पोलिसांचा गणवेश धारण करुन दिला. त्याच्या पोलीस असण्याविषयी रेल्वे पोलिसांनाच संशय आल्याने तो पोलिसांच्या जाळ्यात अडकला आहे. या नकली पोलिसाला रेल्वे पोलिसांनी अटक केली आहे. पोलिस या प्रकरणाचा पुढील तपास करीत आहेत.
Loading ...