कोळसेवाडी पोलिसांनी तात्काळ घटनास्थळी धाव घेतली मंगेश शेवाळे, संबंधित बिल्डर मंगल भाग्यवंत या दोघांना देखील ताब्यात घेतले या प्रकरणी कोळशेवाडी पोलिसांनी पुढील तपास सुरू केला आहे.
कल्याण : विठ्ठल वाडी येथे राहणारे सुरक्षा रक्षक मंगेश शेवाळे यांनी कल्याण पूर्वेकडील भाल गावातील सिद्धिविनायक बिल्डर यांच्याकडे एक घर बुक केलं होतं. पहिल्या टप्प्यात साडेचार लाख रुपये बिल्डरला दिले मात्र बिल्डरने त्यांना फ्लॅट देण्यास टाळाटाळ केली. मंगेश यांनी पैसे परत मागितले असता बिल्डरने उडवा उडवीची उत्तरे दिली. अखेर मंगेश यांनी त्यांच्या मुलगी व पत्नीसह बिल्डरच्या कार्यालयात आज अंगावर रॉकेल ओतून आत्महत्या करण्याचा प्रयत्न केला .या प्रकरणाने मंगेश शेवाळे यांच्यासह बिल्डर मंगल भाग्यवंत यांना कोळशेवाडी पोलिसांनी ताब्यात घेत पुढील तपास सुरू केला आहे.
विठ्ठलवाडी परिसरात राहणारे मंगेश शेवाळे हे मुंबई विद्याविहार येथे एका खाजगी कंपनीत सुरक्षारक्षकाचे काम करतात. त्यांनी कल्याण पूर्वेकडील सिद्धिविनायक बिल्डर यांच्याकडे एक फ्लॅट बुक केला होता. या फ्लॅटची किंमत दहा लाख ५० हजार रुपये त्यांना सांगण्यात आली, त्यांचा व्यवहार ठरला, शेवाळे यांनी ठरलेल्या रकमेपैकी चार लाख ५० हजार रुपये बिल्डरला दिले. हा व्यवहार करत असताना बिल्डर मंगल भाग्यवंत यांनी घराचे नोंदणी सुरू झाली आहे तुम्हाला लगेच घराचा ताबा देतो आणि घराचे नोंदणी करून देतो असे सांगितले. घराचा ताबा २०२३ मध्ये देण्याचे बिल्डरने सांगितले. मात्र ऑक्टोबर महिना उजाडला तरी त्यांना त्यांच्या घराचा ताबा मिळाला नाही.
अखेर ताबा घेण्यासाठी मंगेश यांच्या पत्नी गेल्या होत्या मात्र बिल्डरने त्या फ्लॅटला टाळे ठोकले. मंगेश यांनी बिल्डर यांच्याकडे दिलेले पैसे परत करा असं तगादा लावला मात्र बिल्डरने त्यांना कोणतेही दाद दिली नाही. उडवाउडवीची उत्तरे दिली. फसवणूक झालेल्या मंगेश यांनी अखेर आज बिल्डरचे कार्यालय गाठले. त्रासलेल्या मंगेश यांनी स्वतःच्या अंगावर रॉकेल ओतून घेत स्वतःला पेटवून घेण्याचा प्रयत्न केला. यावेळी त्यांच्यासोबत मंगेश यांच्या पत्नी व मुलगी देखील होती.
हा प्रकार कळतच कोळसेवाडी पोलिसांनी तात्काळ घटनास्थळी धाव घेतली मंगेश शेवाळे, संबंधित बिल्डर मंगल भाग्यवंत या दोघांना देखील ताब्यात घेतले या प्रकरणी कोळशेवाडी पोलिसांनी पुढील तपास सुरू केला आहे. कल्याण डोंबिवली महापालिका हद्दीतील २७ गावांमध्ये मोठ्या प्रमाणात अनधिकृत बांधकामे सुरू आहेत. या बांधकामांमध्ये घरे विकण्याचा सपाटा संबंधित बिल्डरांनी लावला आहे. काही महिन्यांपूर्वी महारेराची फसवणूक करणाऱ्या ६५ बिल्डराविरोधात कारवाई करण्यात आली होती. त्यावेळी एसआयटी पथकाने रजिस्ट्रेशन करू नये असे रजिस्ट्रेशन अधिकाऱ्यांना सांगितले होते. त्याचबरोबर महापालिकेने बेकायदा बांधकामात नागरिकांचे फसवणूक होऊ नये यासाठी हेल्पलाइन नंबर दिला होता. मात्र त्यानंतरही रजिस्ट्रेशन सुरू असल्याचे सांगून बिल्डरांकडून नागरिकांना घरांचे अमिश दाखवून फसवणूक करत असल्याचे पून्हा एकदा उघड झाले आहे.
Loading ...