कोल्हापूरची कन्या कस्तुरी सावेकरने अखेर माउंट एव्हरेस्ट केले सर

कोल्हापूरची कन्या कस्तुरी सावेकरने (Kasturi Savekar) अखेर माउंट एव्हरेस्ट सर करण्याची कामगिरी करून दाखवली आहे. आज (दि.१४) सकाळी ६ वाजता जगातील सर्वात उंच आणि तितकेच अवघड असणारे माउंट एव्हरेस्ट तिने सर केले आहे. 

    कोल्हापूर : कोल्हापूरची कन्या कस्तुरी सावेकरने (Kasturi Savekar) अखेर माउंट एव्हरेस्ट सर करण्याची कामगिरी करून दाखवली आहे. आज (दि.१४) सकाळी ६ वाजता जगातील सर्वात उंच आणि तितकेच अवघड असणारे माउंट एव्हरेस्ट तिने सर केले आहे.

    कोल्हापूर जिल्ह्यासाठी ही अभिमानाची गोष्ट असून, सर्वच स्तरातून तिचे कौतुक होत आहे. कस्तुरीचे वडील दीपक सावेकर यांनी याबाबत माहिती दिली.

    गतवर्षी आले होते अपयश

    कस्तुरी सावेकर हिने गतवर्षी सुद्धा माउंट एव्हरेस्ट सर करण्याच्या मोहिमेला गेली होती. केवळ शेवटचाच टप्पा राहिला असताना खराब वातावरणामुळे तिला मोहिम तिथेच थांबवून पुन्हा परतावे लागले होते. मात्र, एव्हरेस्ट सर करण्याची जिद्द तिने सोडली नाही. आज अखेर तिने एव्हरेस्ट सर करून संपूर्ण कोल्हापूर जिल्ह्यातील नागरिकांची मान अभिमानाने उंचावली आहे.

    अन्नपूर्णा शिखर सर करणारी सुद्धा कस्तुरी सावेकर ही जगातील सर्वात तरुण गिर्यारोहक ठरली होती. मागील आठवड्यातच तिने कामगिरी करून दाखवली होती. ज्या शिखराचा डेथ रेट ३४ टक्के इतका आहे. जो माउंट एव्हरेस्ट पेक्षाही तीन पटीने जास्त आहे. त्या शिखरावर तिने तिरंगा फडकवून मोठी कामगिरी केली होती. आता एव्हरेस्ट सर करून तिने कोल्हापुरच्या शिरपेचात मानाचा तुरा रोवला आहे.