Hassan Mushrif's third scam to come out; Warning of Kirit Somaiya

याआधी सोमय्या यांनी कागलमधील सर सेनापती साखर कारखान्यात घोटाळ्या झाल्याचा आरोप करून त्यासंदर्भातील कागदपत्र ईडीकडे दिली होती. त्यानंतर आता आप्पासाहेब नलावडे गडहिंग्लज सहकारी साखर कारखान्याशी संबंधित कागदपत्र सादर केली. या दोन्ही कारखान्यात मुश्रीफ आणि त्यांच्या कुटुंबियांनी बोगस कंपन्यांद्वारे पैसा वळवल्याचा आरोप सोमय्या यांनी केला आहे. मुश्रीफ यांचा तिसरा घोटाळाही पुढच्या आठवड्यात आपण बाहेर काढणार असल्याचा इशारा सोमय्या यांनी दिला आहे.

    मुंबई : महाविकास आघाडी सरकारमधील मंत्र्यांवर आरोपांची मालिका सुरू करणाऱ्या भाजपाच्या माजी खासदार किरीट सोमय्या यांनी मंगळवारी ग्रामविकास मंत्री हसन मुश्रीफ यांच्याविरोधात दुसऱ्या घोटाळ्याचे पुरावे ईडी कार्यालयात सादर केले. मुश्रीफ यांनी शेल कंपन्या तयार करुन कोट्यवधींची माय कमावल्याचा आरोप सोमय्या यांनी केला असून त्या संदर्भात पुराव्यांसह तक्रार दाखल केली आहे.

    याआधी सोमय्या यांनी कागलमधील सर सेनापती साखर कारखान्यात घोटाळ्या झाल्याचा आरोप करून त्यासंदर्भातील कागदपत्र ईडीकडे दिली होती. त्यानंतर आता आप्पासाहेब नलावडे गडहिंग्लज सहकारी साखर कारखान्याशी संबंधित कागदपत्र सादर केली. या दोन्ही कारखान्यात मुश्रीफ आणि त्यांच्या कुटुंबियांनी बोगस कंपन्यांद्वारे पैसा वळवल्याचा आरोप सोमय्या यांनी केला आहे. मुश्रीफ यांचा तिसरा घोटाळाही पुढच्या आठवड्यात आपण बाहेर काढणार असल्याचा इशारा सोमय्या यांनी दिला आहे.

    ईडीकडे सोपविली कागदपत्रे

    मुश्रीफ आणि त्यांच्या परिवाराने नलावडे गडहिंग्लज सहकारी साखर कारखान्यात 100 कोटींचा घोटाळा केला आहे. शेल कंपन्यांद्वारे म्हणजे ज्या कंपन्या अनेक वर्षांपूर्वी बंद झाल्या आहेत, त्याच्यात बोगस अकाऊंट उघडायचे, त्यात पैसे टाकून कारखान्यात आले. नलावडे कारखाना ब्रिक्स इंडियाला चालवायला दिला होता, इतकेच नाही तर राज्य सरकारकडूनही ब्रिक्स इंडियाला आणखी आर्थिक मदत करण्याचे आदेश देण्यात आले होते. या सगळ्याचा सातबारा ईडीला दिल्याचे सोमय्या यांनी सांगितले. ब्रिक्स इंडिया ही मुश्रीफ कुटुंबाची बेनामी कंपनी आहे, असा आरोपही सोमय्या यांनी केला आहे. मुश्रीफ आणि कुटुंबाने घोटाळ्याचा पैसा या दोन साखर कारखान्यांमध्ये गुंतवले आहेत, त्या संबंधी तपास सुरू आहे. या तपासाला गती मिळावी यासाठी आपण ईडीकडे कागदपत्र जमा केली आहेत, असे सोमय्या यांनी सांगितले.

    मुख्यमंत्री, गृहमंत्र्यांविरोधात आठवडाभरात तक्रार

    मुख्यमंत्री उद्धव ठाकरे आणि गृहमंत्री दिलीप वळसे-पाटील यांनी मला बेकायदेशीररित्या रोखले, त्यांच्याविरोधात आपण आठवडाभरात तक्रार दाखल करणार असल्याचेही सोमय्या यांनी सांगितले. हे घोटाळेबाज मला अडवण्यासाठी माझावर हल्ले करत आहेत, पण त्यात त्यांचेच पाय खोलवर अडकलेले आहेत. मला कागदपत्र कोणी दिली याचा तपास मुख्यमंत्री उद्धव ठाकरे यांनी करावा. त्यांच्याकडे सगळी यंत्रणा आहे. मला वेगवेगळी लोक कागदपत्र देतात, ते त्यांनी शोधावे मी सांगणार नाही, असे सोमय्या यांनी म्हटले आहे.